К.Леонард дэмий л зүйл хийлээ дээ

Twitter Print
2014 оны 11-р сар 03-нд 10:11 цагт
Мэдээний зураг,

Өнгөрсөн улиралд “Сан Антонио Сперс” гайхалтай тоглолтыг үзүүлж Л.Жеймс, Д.Уэйд, К.Бош тэргүүтэй “Майами Хит”-ийг 4:1-ээр буулган авсан. Хөгшин од Т.Данкан, М.Жинобили, Т.Паркер нар багийн гол тулгуур нь байсан ч К.Леонард, П.Миллс, Д.Грин, М.Боллер чухал үүрэг гүйцэтгэсэн. Тийм учраас Кавай финалын “Үнэ цэнэтэй” тоглогчоор шалгарсан аж. Харин ирээдүйн “Сан Антонио Сперс”-ын од Кавай багийнхаа удирдлагуудтай санал зөрөлджээ. Ирэх улиралд Кавай их хэмжээний цалин авахыг хүсэхэд багийн эзэд татгалзсан байна. Хэрэв хоёр тал тохиролцоонд хүрч чадахгүй бол ирэх зун багаас хамааралтай чөлөөт тоглогч болох юм. Кавай багуудаас ирсэн саналыг хүлээж авахаар бол “Сперс” яг ижилхэн мөнгөн дүнтэй гэрээг санал болгосноор багтаа авч үлдэх болно.

Энэ тухай К.Леонардын төлөөлөгч хэлэхдээ “Хоёр тал тохиролцож чадсангүй. Уг нь Сперст үлдэнэ гэдэгт итгэж байсан. Кавай бол өндөр гэрээ байгуулах шилдэг тоглогч. Энэ асуудал нааштайгаар шийдэгдэнэ гэж бодож байна” гэсэн юм. Харин алдарт Г.Попович хэлэхдээ “Кавай бол ирээдүйн багийн нүүр царай. Гэхдээ хоёр тал тохиролцоонд хүрч чадахгүй л байна. Ирэх зун юу болохгүй мэдэхгүй байна. Ганцхан “Сан Антонио” хүсвэл түүнийг авч үлдэх болно” гэдгийг онцолжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.