Алла Пугачева СССР дэглэмээр туржээ

Twitter Print
2014 оны 11-р сар 03-нд 15:31 цагт
Мэдээний зураг,

Алла Борисовнагийн хамтрагчид болон шүтэн бишрэгчид нь түүний гоолиг, шулуун бие галбирыг ярилцан, шуугилдаж байна. Тэр тусмаа Примадоннагийн хөл ихээхэн анхаарал татах болжээ. Дуучин илүүдэл жингийнхээ асуудлыг хэзээ ч нууж, хааж байгаагүй юм.

-Би илүүдэл жинтэй гэдгээ мэдэж байна. Гэхдээ ийм байх нь надад зүгээр байна. Би зураг авалтад зориулж л турдаг. Би азтай л даа. Намайг байгаагаар минь хайрладаг эртэй амьдарч байна. Зөв тохируулсан хувцас илүүдэл жингээ нуухад минь тусладаг. Турчихсан байна гэж бодогдохоор хувцаслаж чадна. Нүүр цайвар цагаан болсон мэт будаж шунхдаж чадна, тэгвэл намайг гоо сайхны мэс засал хийлгэсэн гэж бодох байх хэмээн Алла “КП”-д өгсөн нэгэн ярилцлагадаа дурдаж байв.

Гэвч өнөөдөр Пугачеваг харахад ямар ч будаг шунх, далдалсан хувцас харагдахгүй байгаа аж. Оросын эстрадын загалмайлсан эх саяхан нэгэн киноны нээлт дээр свитер цамц, бариу жинсэн өмдтэй иржээ. Бүгд л Аллагийн шулуун, нарийхан хөлийг харж гайхалдан, шивнэлдэж байв.

Алла Борисовнаг мэддэг хүмүүсийн хэлж буйгаар, тэрээр 20 кг хаяжээ. Аллагийн дотны найз, бизнесмэн эмэгтэй Алина Радель Примадоннаг хэрхэн турсан талаар ийнхүү ярьжээ.

-Алла үнэхээр гоё харагдах болсон. Юуны түрүүнд, нөхөр, хүүхэд­тэй жаргалтай бай­гаа болохоор тийм байх нь ойлгомжтой. Хоёрт, тэр хоолны дэг­лэм барьж турах аргыг өөрөө бодож олсон юм. Тэр энэ аргаа СССР гэж нэрлэсэн. Үүнийг сонсоод зөвлөлтийн үеийн тарчиг, хомс байдал санаанд орж байна уу. СССР гэдэг нь чихэрлэг, давслаг, баяжуулсан (сладкое, соленое, сдобное) хоол хүнсийг хориглоод дараа нь ачаагаа буулгах, хөнгөлөх (разгрузить) гэдэг үгний товчлол.

Өөрөөр хэлбэл, дээрх гурван хүнснээс татгалзаж, дээр нь ногоо, жимс идэж биеэ хөнгөлнө гэсэн үг. Гэхдээ Алла баярын ширээнд суухдаа ходоодоо горьдоогоод суудаггүй, бялууг сайхан идэж л орхидог. Харин дараа нь нэг өдөр “ачаагаа хөнгөлөх” дэглэм барьчихаар бие галбир нь гоё хэвээрээ үлдчихдэг юм гэжээ.

Эх сурвалж: Н.Мөнхжин, "Зууны мэдээ" сонин

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.