Үе мөчний үрэвсэл, өвдөлттэй хүмүүс ямар бүтээгдэхүүн хэрэглэх нь зөв бэ гэдгээ сонгоход төвөгтэй байдаг. Тэгвэл танд энэ асуудлыг шийдэхэд илүү төхөм болгох үүднээс дараах зөвлөгөөг хүргэж байна. Үе мөчний үрэвслийн үед хэрэглэх боломжтой хамгийн сайн судлагдсан, өндөр ашиг тустай шилдэг 4-н бэлдмэлийг санал болгож байна.
1.Цагаан гааны үндсэнд агуулагдах Куркумин
Цагаан гааны үндэс нь үрэвслийн эсрэг үйлдэлтэй. Үүний үндсэнд агуулагдах идэвхтэй бодисыг куркумин гэж нэрлэдэг бөгөөд, цагаан гааны үндэс хангалттай хэрэглэх нь танд маш өндөр ашиг тусыг үзүүлэх болно. Зарим судалгаагаар куркумин нь төмрийн шимэгдэлтийг бага зэрэг бууруулж болох учир, цус багадалттай бол эмчээс зөвлөгөө авах хэрэглээрэй.
2.Витамин Д
Хэрвээ танд үений үрэвсэл үүссэн, эсвэл үений үрэвсэл болох өндөр эрсдэлтэй бол, танд Д3 витамин хэрэглэхийг эмч нар санал болгож байна. Учир нь судалгаагаар ихэнх үений үрэвсэл нь витамин Д-н дутагдалтай шууд холбоотой байдаг. Мөн аутоиммун артрит, псирозын артрит, ревматойд артрит гэх мэт. Д витамин дутагдалтай байх нь ревматойд артритын шинж тэмдэг улам даамжрахад нөлөөлдөг байна. Мөн ясны сийрэгжилт, булчингийн сулрал, дунд чөмгөний толгойн хугарал, сахар, хавдар, зүрх судасны өвчин зэрэг нь Д витамин дутагдалтай холбоотой үүсдэг байна. Хэрвээ танд Д витамины дутагдал байхгүй бол, эмчтэйгээ зөвлөлдөж хэрэглэх эсэхээ шийдэхийг зөвлөж байна.
3.Омега 3 тосны хүчил
Судалгаагаар омега-3 тосны хүчил нь үрэвслийн эсрэг хүчтэй үйлдэлтэй нь тогтоогдсон. Энэхүү тосны хүчил нь салмон, маккерель зэрэг тарган загаснуудад элбэг агуулагддаг. Хэрвээ загасны хэрэглээ бага бол, хүнсний нэмэлт байдлаар уухыг санал болгож байна. Омега 3-н эх сурвалж загаснаас гадна, ургамлаас гарган авдаг. Жишээ нь flaxeed oil буюу маалингын үр. Цагаан хоолтой хүмүүс ургамлын омега хэрэглэх нь тохиромжтой.
Омега 3 нь цус шингэлэх үйлдэлтэй тул, цусны бүлэгнэлт бууруулах эм зэрэгтэй хамт хэрэглэх нь тохиромжгүй учир, шаардлагатай бол эмчээс зөвлөгөө авна уу.
4.Глюкозамин ба хондротин сульфат
Глюкозамин ба хондротин сульфат нь маш олон үений бэлдмэлүүдэд агуулагдсан байдаг. Судлаачид глюкозамин ба хондротин сульфатыг хослуулан хэрэглэх нь илүү үр дүнтэй гэж үздэг. Глюкозамин ба хондротин сульфат нь үений мөгөөрсөн эдийн нөхөн төлжилтийг сайжруулах гол үйлдэл үзүүлдэг. Далайн гаралтай бүтээгдэхүүнд харшилтай бол глюкозамин, хондротин хэрэглэхээс зайлсхийх хэрэгтэй.
Ерөнхийдөө глюкозамин ба хондротин сульфатыг хэрэглэвэл 3-6 сарын хугацаанд хэрэглэх нь үр дүнтэй байдаг.
Санамж: Үений үрэвсэл нь богино хугацаанд алга болохгүй бөгөөд, хэдэн долоо хоногоос хэдэн сарын хугацаанд тогтвортой тууштай арга хэмжээ авах, бэлдмэлийг заасан хугацаанд бүтэн хэрэглэх нь эмчилгээний тавилан сайнаар нөлөөлнө гэдгийг санах хэрэгтэй. Түүнээс гадна хоолны дэглэм, дасгал хөдөлгөөнийг хослуулах үр дүнтэй байдаг.
Энэ мэдээ танд таалагдаж байвал LIKE хийгээрэй. Танд баярлалаа.
