БНСУ-ын Засгийн газар 4 дэх удаагийн эдийн засгийн буцалтгүй тусламжаа иргэддээ үзүүлж эхэллээ

Twitter Print
2021 оны 03-р сар 30-нд 16:22 цагт
Мэдээний зураг,

БНСУ-ын Засгийн газар 4 дэх удаагийн эдийн засгийн буцалтгүй тусламжаа иргэддээ "цацаж" эхэллээ.

Энэ удаад нийт 17.5 их наяд төгрөгтэй тэнцэх санхүүгийн дэмжлэг нь багадаа 1,300,000 төгрөг, хамгийн дээд тал нь 13,000,000 төгрөгтэй дүйцэх хэмжээний бэлэн мөнгөний дэмжлэг аж.

Энэхүү мөнгийг үдээс өмнө хүсэлтээ гаргахад үдээс хойшдоо, орой 18:00 цагаас өмнө мэдүүлвэл 20:00 цагаас өмнө дансаар нь шижлүүлж өгч байна.

Зургаан долоо хоногоос дээш хугацаанд үйл ажиллагааг нь зогсоосон бол 5 сая вон /13 сая төгрөг/, 4 долоо хоног бол 4 сая вон /10.4 сая төгрөг/ олгох бөгөөд үүнд фитнесс клуб, караоке, сургалтын төвүүд хамрагдана.

PC тоглоомын газар, ресторан зэрэг газруудын орлого нь өмнөх жилээсээ багассан бол 3 сая вон /7.8 сая төгрөг/-ы буцалтгүй тусламж олгож байна.

Тэрчлэн бичил бизнес эрхлэгчдэд 20 сая вон хүртэлх хөнгөлттэй зээл олгож байна.

М.Бадамрагчаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.