Зам тээврийн осол өмнөх онуудаас буурахгүй байна

Twitter Print
2014 оны 11-р сар 06-нд 14:34 цагт
Мэдээний зураг,

Согтуугаар автомашин жолоодож хөдөлгөөнд оролцохыг хориглодог. Гэтэл манай жолооч нар согтуугаар автомашин жолоодож, хөдөлгөөний аюулгүй байдлын эсрэг гэмт хэрэгт холбогдох нь өмнөх жилүүдээс буурахгүй байна. Улсын хэмжээнд 2013 оны байдлаар нийт 18367 зам тээврийн хэрэг бүртгэгджээ. Эдгээр ослуудаас үүдэн 423 хүн амиа алдаж, 1282 хүн гэмтсэн аж. Энэ нь өмнөх онтой харьцуулахад нас барсан хүний тоо 14.6 хувиар, гэмтэл авсан хүний тоо 18.9 хувиар нэмэгджээ. 2014 онд гарсан зам тээврийн ослын нэгдсэн тоо бүртгэл гараагүй байна.

Өнгөрсөн онд нийслэлд гарсан зам тээврийн ослын улмаас 117 хүн амиа алдсны 102 нь явган зорчигч байв. Хамгийн их зам тээврийн осол бүртгэгдсэн нь өнгөрсөн оны хувьд наймдугаар сарын дунд үе байжээ. Тухайн үед 14 хоногийн хугацаанд 484 дуудлага бүртгэгдсэн аж. Үүнийг холбогдох албаны хүнээс тодруулахад “Иргэд наймдугаар сарын үед найр наадмыг өргөн тэмдэглэдэг. Үүний улмаас согтуугаар жолоо барьж, осол гаргах нь ихэсдэг. Мөн улсын хэмжээнд гарч буй зам тээврийн ослын багагүй хувь нь Улаанбаатар хотын ойр орчмын зам дээр гарч байгаа” гэдгийг онцолсон байна.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.