Тагнуул, Хилийн цэргийн 0245-р ангийнхан хилээр ачаа нэвтрүүлэх ажлыг зохион байгуулжээ

Twitter Print
2021 оны 01-р сар 29-нд 10:15 цагт
Мэдээний зураг,

Өчигдөр /2021.01.28/ нийгмийн сүлжээнд Боршоо боомт орчмоор хоёр автомашин ямар ч үзлэг, бүртгэлгүйгээр хил нэвтэрч, ачаа бараа солилцож байгаа бичлэг гарсан.

Тухайн хоёр автомашин нь 28-40 УНН дугаартай Тагнуулын ерөнхий газарт бүртгэлтэй, 089D001 дугаартай автомашин нь Сангийн сайд Хүрэлбаатарын ах, Консул Ч.Ганболдын машин гэдгийг тухайн бичлэгт хэлсэн байна. Тэгвэл энэ асуудлаар өчигдөр 21:30 цагт Увс аймгийн Засаг дарга Чимэд аймгийн хууль сахиулах байгууллагын удирдлагуудтай шуурхай уулзалт хийжээ. Уулзалтад аймгийн Онцгой байдлын газар, МХГ, Гаалын газар Хилийн цэрэг, Цагдаагийн газрын дарга нар оролцож, Тагнуулын дарга утсаар мэдээлэл өгсөн байна.

Уг уулзалтаар тухайн бичлэг нь бодитой бөгөөд аймгийн Тагнуулын газар, Хилийн цэрэг 0245-р ангийн удирдлагууд 12 сарын эхээр онгоцоор ирсэн дипломат ачааг хүргэх зорилгоор зохион байгуулсан ба бусад мэдсэн байх ёстой газруудад мэдэгдээгүй тодорхой заавар зөвлөгөө аваагүй гүйцэтгэсэн тухайн тагнуулын ажилчид цар тахлын онцгой үеийн дэглэм зөрчсөн байгааг хэлжээ. Цар тахлын үеийн өндөржүүлсэн бэлэн байдлын зэрэгт ажиллаж байгаа энэ цаг үед халдвар хамгааллын дэглэм зөрчигдсөн үйл ажиллагаа явагдсанд аймгийн Засаг дарга бөгөөд Онцгой комиссын даргын хувьд НИЙТ ИРГЭДЭЭСЭЭ УУЧЛАЛТ ХҮСЭЖ дараах арга хэмжээг шуурхай зохион байгуулахыг холбогдох газрын удирдлагуудад үүрэг болгожээ.

Бичлэгийг Amidral film хуудаснаас авав

Тухайн бичлэг дээр гарснаар үүрэг гүйцэтгэсэн ажилчид хорио цээрийн дэглэм зөрчсөн гэдэг нь харагдаж байгаа тул Тагнуулын газрын хоёр ажилтанг яаралтай тусгаарлалтанд оруулж, түргэвчилсэн шинжилгээ авч ажиллахыг Эрүүл мэндийн газар болон холбогдох байгууллагуудад Гэр тусгаарлалтын 14 хоног өнгөрсний дараа шалган тогтоох ажиллагаа явуулахыг Цагдаагийн газарт Ирсэн ачаанд ариутгал халдваргүйжүүлэлтийн ажил хийхийг аймгийн Зоонез өвчин судлалын төвд Ил задгай хаясан хамгаалах хувцасыг баримтжуулан устгалд оруулах ажлыг МХГ-ын удирдлагуудад тус тус үүрэг болгожээ.

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.