Палестинчууд дахин босохоос Израиль түгшиж байна

Twitter Print
2014 оны 11-р сар 12-нд 08:03 цагт
Мэдээний зураг,

Тель-Авив болон Баруун эрэгт нэг Израиль эмэгтэй болон цэргийн албан хаагчыг хутгалан хөнөөсөнтэй холбоотойгоор Палестинчууд дахин босож байгаад Израильчууд түгшиж байна.

Даваа гарагт Тель-Авив хотын төмөр замын буудлын өмнө нэг цэргийг хутгалжээ.  Халдагч Палестины ойролцоох барилга руу зугтан орсон ч цагдаа нарт баривчлагдсан байна.

Мөн өдөр Баруун эрэгт еврейчүүдийн суурингийн ойролцоох автобусны буудал руу нэг палестин машинтайгаа орж, гурван Израиль иргэдийг хутгалжээ. Тэдний нэг 25 настай эмэгтэй амь эрсэдсэн аж.

Суурингаас аюулаас хамгаалах хүчний харуул гарч ирэн халдагчийг буудан устгасан байна.

Сүүлийн үед израильчууд руу хутга барин халдсан хэрэг гарч, Израилийн аюулаас хамгаалах хүчнийхэн болон Палестинчуудын хооронд мөргөлдөөн болсоор байгаа билээ. Зүүн Иерусалимын лалын шашинтнуудын мэдэлд байдаг ариун газарт еврейчүүд мөргөхийг оролдсоны улмаас хүчирхийлэл газар авч эхэлсэн юм.

Иерусалимд хэдэн долоо хоног байдал хурцдаж, хүчирхийлэл газар авсан нь Тель-Авив болон Баруун эрэг рүү тархлаа гэж ажиглагчид үзэж байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.