Дэлхийн хамгийн гаж, сонин гэрлэлтүүд

Эрэгтэй, эмэгтэй хүмүүс хоорондоо хайр сэтгэлтэй болж, өөрсдийн хүслээр хамт амьдрахаар шийдвэр гаргаснаа ёслол хүндэтгэлтэйгээр илэрхийлж буй хэлбэр нь гэрлэлт. Тэгвэл энэ ёсноос гажууд сонин содон зүйлстэй гэрлэсэн тохиолдол дэлхийн бөмбөрцгийн хаа нэгтээ байдаг аж.

Өөрөө өөртэйгөө гэрлэх

2007 онд БНХАУ-ын иргэн Лиу Иэ ганц бие амьдарснаас өөртэйгөө гэрлэх нь хавь илүү юм байна гэх шийдвэрт хүрч, хуримаа хийжээ. Ингэхдээ өөрийнхөө зургийг сүйт бүсгүйн улаан даашинзтайгаар хэвлүүлж, тэрхүү зурагтайгаа гэрлэсэн байна.

Дээрхтэй яг ижил хурим Нидерландад мөн болжээ. Гэхдээ энэ удаа эмэгтэй хүн өөртэйгөө гэрлэсэн юм. 2003 онд Женнифер Хоес гэх уран бүтээлч эмэгтэй 30 насныхаа төрсөн өдрөөр өөртэйгөө гэрлэжээ. Энэ ёслолоо тэрбээр гэр бүл, найз нөхдийнхөө хүрээлэл дунд хийсэн бөгөөд өөртөө үнэнч байхаа тангаргалсан байна.

Амьтан, хүний хурим: Могой ба хүн

2006 онд Энэтхэгт хиндү шашинт эмэгтэй могойнд дурлаж, шашныхаа ном журмын дагуу гэрлэжээ. Түүний хуримын ёслолд 2000 гаруй хүн оролцсон бөгөөд тэд эл хуримыг аз, амжилт авчирна хэмээн ихэд билгэшээсэн байна. Хуримдаа могой оролцоогүй ч, түүнийг дуурайлсан хийсэн гуулин баримлыг тавьсан байжээ.

Хүн ба далайн гахай

Израилд нэгэн британи эмэгтэй далайн гахайтай гэрлэжээ. Бүсгүй далайн гахайд анхны харцаар дурласан бөгөөд миний амьдралын хайр хэмээн дууддаг гэнэ.

Хүн ба ямаа

Суданд хэн нэгэнтэй дотно харилцаа үүсгэхдээ туйлын болгоомжтой байх хэрэгтэй гэнэ. Учир нь эрэгтэй хүн хэн нэгэн эмэгтэйтэй дотно харилцаанд орж байгаад баригдвал гэр бүлийн нэр хүндээ хамгаалахын тулд шууд л гэрлэх ёстой байдаг аж. Энэ хууль 2006 онд ямаанд тохиолдсон байна. Чарлес Томб гэх эр ямаатай бэлгийн харилцаанд орж байгаад баригдсан бөгөөд уг ямаатайгаа хүчээр гэрлэсэн аж. Ингэхдээ сүйт бүсгүйн инжийг ямааны эзэнд төлсөн байна.

Хүн ба нохой

Зарим хүмүүс амьтантай гэрлэх нь өөрт нь аз авчирсан гэдэгт итгэдэг гэнэ. Энэтхэгт нэгэн фермер будааны талбайд хоёр нохой нь үхсэний дараа өөрийгөө хараагдсан гэж үзэх болжээ. Ямар ч эмч түүнд тус болсонгүй. Харин нэг үзмэрч түүнд учирсан хараалыг нохойтой гэрлэн, хамт амьдарч байж тайлагдана хэмээн зөвлөсний дагуу хуримаа хийжээ.

Хүн ба муур

Муур хүний сайн анд нөхөр байж чаддаг. Тэгвэл Германд нэгэн шууданч залуу мууртайгаа гэрлэж байжээ. Амьтны эмч түүнд муур нь хүнд өвчтэй гэж хэлсний дараа тэрбээр энэ шийдвэрийг гаргасан байна.

Цамхаг ба хүн

Сан Францискогийн нэгэн цэрэг бүсгүй Эйффэлийн цамцагт ухаангүй дурлажээ. Улмаар 2008 онд тэрбээр өөрийн нэрээ Эрика Ла Тур Эйффел болгон өөрчилсөн байна.

Берлины ханатай гэрлэжээ

Хүн бүхэн мэддэг обьекттой гэрлэх нь тийм ч жигтэй зүйл биш байж мэднэ. 1979 онд Эйжа Ритта Берлайнер Мауэр Берлины ханатай гэрлэжээ. Тэрбээр бүр хүүхэд байхдаа телевизээр уг ханыг харахдаа л анхны харцаар дурласан гэнэ. Сүүлд тэрбээр овгоо өөрчлөн Берлины хана болгосон байна. Гэвч түүний гэрлэлтээс хойш 10 жилийн дараа ханыг буулгасан бөгөөд энэ түүнд хар дарсан зүүд шиг л байсан гэнэ.

Дижитал эхнэр

Аль нэг видео тоглоомныхоо дүрд дурлан, түүнтэйгээ болзож, бүр гэрлэсэн тохиолдол байдаг гэнэ ээ. Ийм хурим 2009 онд болсон бөгөөд нэгэн залуу “Love Plus” тоглоом тоглох үедээ нэгэн дүрд дурлаж, түүнтэйгээ гэрлэсэн байна.

Дэртэй гэрлэжээ

Ли Жингюү гэх залуу дэртэйгээ гэрлэхээр эргэлт буцалтгүй шийджээ. Тэрбээр дэрэн дээрээ анимэ дүрийн зураг нааж, хуримын ёслолоо хийсэн байна.  

Нэгэн эр мөнгийг нь үрэхгүй, байнга үглэхгүй, ямар ч зүйл тохиолдсон түүнийг орхиж явахгүй байх эхнэртэй болохоор шийджээ. Ингээд тэрбээр 2000 онд секс хүүхэлдэйтэй гэрлэсэн байна.

Энэтхэгт  хуримдаа оролцохгүй бол түүнийг шавар ваар орлодог гэнэ. Яг ийм явдал Салвита гэх бүсгүйд тохиолджээ. Түүний нөхөр болох хүн нь цагдаа бөгөөд гэнэтийн ажлаар хуримдаа байх боломжгүй болсон байна. Ингээд  гэр бүлийнхэн нь сүйт залуугийн зургийг шавар вааранд хийж, хуримын ёслолыг үргэлжлүүлсэн аж.

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.