Өсвөр насны охидод сэм өгөх зөвлөгөө буюу цагаан юмны тухай

Twitter Print
2021 оны 04-р сар 10-нд 11:05 цагт
Мэдээний зураг,

Өсвөр насныхан өгөх зөвлөгөө

1.“Цагаан юм” бол эстрогений нөлөөгөөр саван доторх булчирхайнуудын ялгаруулдаг шингэн юм.

Бага насны охидоос “цагаан юм” гардаггүй. Учир нь үтрээний ялгадсын үйлдвэржилт явагдахын тулд тухайн эмэгтэйд хангалттай хэмжээний эстроген ялгарах ёстой байдаг. Харин 11-12 наснаас эхлэн бэлгийн бойжилт явагдаж эхлэн үеэс эхлэн анхны сарын тэмдэг ирсэн үеэс хойш үтрээнээс цагаан юм ялгарч гарч болно. Энэ бол хэвийн үзэгдэл бөгөөд чи одоо жирэмслэх боломжтой болж байгааг илтгэх бас нэг үзүүлэлт болно. Гэхдээ хэт их хэмжээтэй, өөрт зовиуртай байвал үүнийг цагаан юм хэт их гарах эмгэг буюу лейкорея гэж нэрлэнэ.

2.“ЦАГААН ЮМ” ЯМАР ҮҮРЭГТЭЙ ЮМ БЭ?

Бидний үтрээ маш ухаалаг учраас өөрөө өөрийгөө цэвэрлэх ажиллагааг байнга хийдэг. Үтрээ нь “цагаан юм”-аар дамжуулан хуучин эсүүд, бохирдлыг гадагшлуулж хүчил шүлтийн хэмжээ нь таарсан чийглэг орчинг бүрдүүлдэг. Мөн “цагаан юм” нь үтрээг халдварт өвчнөөс хамгаалах “бамбай”-н давхарга болох зориулалттай.

3.“ЦАГААН ЮМ” –АА ЯАЖ ШИНЖИХ ВЭ?

Гараа угааж, хатаагаад долоовор юм уу дунд хуруугаа үтрээ рүүгээ шургуулж, савтай аль болох ойртуулан ялгадаснаас дээж авна. Ялгадасны дээжийг эрхий, долоовор хуруундаа үрж, хоёр хуруугаа салгаж үзээд бүтцийг нь ажиглаж болно. Хөнгөн болон хүндээр бие зассаны дараа үтрээний ялгадас илүү их ялгардаг тул энэ үед шинжлэхэд илүү тохиромжтой. 00-ийн цаасаар урдаас хойшоо чиглэлтэйгээр сайтар арчиж байгаад, гараа угаасныхаа дараа үзээрэй.

Сарын тэмдэг: 3-7 хоног

ХУУРАЙ: Сарын тэмдгийн дараах 3-4 хоног

Үтрээ үл ялиг чийглэг хэрнээ гарт мэдрэгдэх юмгүй байх ба хурууны үзүүр хуурай шахуу гарч ирнэ. Ялгадасны үйлдвэржилт зогсох тул “цагаан юм” гарахгүй. Зарим бүсгүйчүүдийнх хуурай биш харин өтгөн юм уу наалдамхай болж болно. Энэ үед жирэмслэх магадлал бага.

УСАРХАГ: Овуляц ойртох / Өндгөн эс гадагшлах хугацаа / 3-4 хоног буюу үр тогтох цонх

Ялгадас шингэн, усархаг, тунгалаг, хуруу дагаж урссан мөн хуруу салгахад үл ялиг сунаж болно. Спермийг сав руу хурдан ороход тусална. Дотоожиндоо дусаачихсан юм шиг, биеийн юм хугацаанаасаа түрүүлж ирчихэв үү дээ гэмээр мэдрэмжийг хүртэл төрүүлнэ. Энэ үед жирэмслэх магадлал өндөр.

ӨНДӨГНИЙ ЦАГААН: Овуляцийн үе / Өндгөн эс гадагшлах хугацаа / 2 хоног буюу үр тогтох цонх

Ялгадас нойтон, гулгамтгай, сунамтгай, өндөгний цагаан шиг , хуруу салгахад 5 см хүртэл сунахаар байна. Жирэмслэх магадлал хамгийн өндөртэй үе. Спермийг умай руу хурдан саадгүйгээр гулгаж ороход туслахын хажуугаар удаан амьдрах нөхцлийг бүрдүүлдэг.

НААЛДАМХАЙ: Овуляцийн дараанаас сарын тэмдэг ирэх хүртэлх хугацаа ба энэ үед ялгадас хоёр өөр бүтэцтэй байж болно. Наалдамхай, цайвар өнгөтэй, цавуулаг, гурилны шингэн зуурмагархуу, суналгүйгээр шууд салж хуруу тус бүрт тогтоно. Наалдамхай чанар нь эр бэлгийн эсэд дээд зэргийн хориг тавьдаг.

ӨТГӨН: Өтгөн, сувдан цагаан эсвэл цагаан шаргал өнгөтэй, нягт бүтэцтэй, хурууны хооронд үрэхэд гарын лосьон шиг мэдрэгдэнэ. Эр бэлгийн эсийн хөдөлгөөнд саад учруулж үр тогтох явцыг хорьдог. Жирэмслэх магадлал бага байх юм.

Гол зүй тогтлыг “цагаан юм” чинь өтгөн, зуурамтгай байвал жирэмслэх магадлал бага, шингэн гулгамтгай бол их гэж ойлгоорой.

4.Цагаан юм Хэт их гарах үед:

Хүн бүрийн үтрээний ялгадасны хэмжээ өөр. Зарим эмэгтэйн саванд төрөлхөөсөө олон тооны булчирхай байдгаас их хэмжээний ялгадас гарах нь бий. Дотоож чинь тасралтгүй бохирдож байвал яаралтай эмчид очиж дотуур үзлэг хийлгээрэй. Мөн лукол гээд 10 гаруй төрлийн эмийн ургамлын найрлагатай эмийг 14-21 хоног ууж хэрэглэхэд, үтрээнээс гарах цагаан юмны хэмжээ багасан, үтрээний орчинг хэвийн болгож, үрэвслийг дарна

5. Хэмжээ нь их, бүтэц нь хөөсөрхөг, үнэр нь таагүй

Бактерийн халдвар байж болзошгүй. Эмнэлэгт очиж нарийн шинжилгээ хийлгэх хэрэгтэй.

6. Ээдэмэрхүү ширхэгтэй, өтгөн цагаан бүтэц

Хэрвээ энэ ялгадас нь загатнах, халуу оргихтой хосолж байвал мөөгөнцрийн халдварыг сэжиглэх хэрэгтэй. Мөн хламид ч байж болно. Мазокын шинжилгээ өгч зөв оношлуулан тохиромжтой эмчилгээг хийлгээрэй.

7.Шар өнгө

БЗХӨ-нүүдийн нэг гонорей байх магадлалтай. Энэ өвчний үед шар өнгөтэй ялгадас гарахаас гадна хөнгөнөөр бие засах үед халуу оргино.

8. Саарал юм уу шар ногоон өнгө

БЗХӨ-нүүдийн нэг трихомониаз байх магадлалтай. “Цагаан юм”-ны өнгө өөрчлөгдөж, өтгөн, гашилсан үнэртэй болохын хажуугаар хөнгөнөөр бие засах, хэвлийн хэсгээр өвдөлт өгч байвал трихомониаз мөн.

9. Сарын тэмдгийн үед ариун цэврээ сайн сахихаа мартуузай.

Энэ үед нян үржиж, сарын тэмдэг дууссаны дараа үтрээний үрэвслийг үүсгэж, цагаан юмны өнгө, үнэрийг өөрчилж, өвчин үүсэх эх үндэс тавигддаг болохыг санаарай.

10. Ээжтэйгээ дотно байж, өөрт гарч байгаа зовиураа санаа зоволтгүй хэлж, эмчид эрт хандаж байх нь хамгийн зөв сонголт байдаг шүү.

Эрхэмсэг гоо үзэсгэлэн минь чамд эрүүл энхийг хүсье.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.