Шар хаданд хоёр охины амийг хөнөөсөн Б.Идэрзаяагийн ялыг хэвээр үлдээлээ

Twitter Print
2015 оны 06-р сар 11-нд 14:00 цагт
Мэдээний зураг,

Өнгөрсөн оны тавдугаар сард БЗД-ийн IX хорооны нутаг, Шар хадны эцэст орших “Хар хошуу” гэдэг уулын орой дээр хоёр охины амийг зэрлэгээр хөнөөсөн аймшигт хэрэг гарсан. Цагдаагийн байгууллага хэргийн мөрөөр шуурхай ажиллаж 48 цагийн дотор гэмт этгээдийг илрүүлэн баривчилсан. Харин нэг хэсэг сураг тасраад байсан уг хэргийг Нийслэлийн шүүх өнөөдөр хэлэлцэж, түүнд оноосон ялыг хэвээр үлдээлээ.

Б.Идэрзаяа нь өөрийгөө хэлмэгдэж, хүний өмнөөс хэрэг хүлээсэн гэж мэдээлдэг. Мөн энэ удаагийн хуралд өмгөөлөгчөөрөө дамжуулан шинэ баримт дэлгэнэ гэж мэдэгдсэн ч шүүх хүлээн авсангүй. Учир нь Нийслэлийн шүүхийн хуралд шинэ баримт сэлт дэлгэдэггүй, анхан шатны шүүхийн шийдвэрлэсэн хэргийг бүхэлд нь хянаж, хуулийг хэрхэн зөв хэрэглэж, шийдвэр гаргасан эсэхийг хэлэлцдэг. Тэгэхээр Б.Идэрзаяагийн хувьд шинэ баримт дэлгэх боломжгүй болсон юм байна.

Түүнд Монгол улсын Эрүүгийн хуулийн тусгай ангийн 91.2.16-д заасны дагуу буюу “Хоёр буюу түүнээс олон хүн амийг санаатайгаар хөнөөсөн” гэсэн үндэслэлээр 15-25 жилийн хорих ял оноох буюу цаазаар авах ял төлөвлөсөн байна.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.