Төр зүтгэсэн хүндээ хатуу гэв

Twitter Print
2014 оны 11-р сар 14-нд 19:58 цагт
Мэдээний зураг,

Онцгой нөхцөл үүсч завсарлага авсан АН-ын ҮЗХ танхимынхаа сүлжээг хаах гэж завсарласан бололтой. Онлайнд идэвхитэй зарим гишүүд хаалттай хуралдааныг нээлттэй болгож байгаа нь зарим гишүүдэд таалагдаагүй бололтой.

Яг одоо АН-ын ҮЗХ-ны хурлаар АН-ын даргыг сонгуулийн нууц санал хураалт явуулах гэж байна. Энэ үеэр заалнаас ҮЗХ-ны гишүүд “Төр зүтгэсэн хүндээ хатуурхаж байна. Засгийн эрхийг авахыг санаархагчид, Н.Алтанхуягийн хүчинд өнөөдөр өдий зэрэгтэй явж байгаа. Гэтэл яагаад МАН-тай холилдож Засгийн газраа унагаагаад ялалт байгуулж өдий зэрэгт хүргэсэн намын даргын ажлыг өөрийн сааналаар өгөхийг нь хүлээн зөвшөөрч байгаа юм бэ” гэсэн эсэргүүцэл гарсаар байна. 

Хуралдаанаар Ерөнхий сайдад нэр дэвшигчийг хэлэлцэж тодруулах ёстой. УИХ дахь Ардчилсан намын бүлгээс УИХ-ын гишүүн Р.Амаржаргалыг Ерөнхий сайдад, АН-ын Гүйцэтгэх зөвлөлөөс Засгийн газрын хэрэг эрхлэх газрын дарга Ч.Сайханбилэгийг нэр дэвшүүлэхээр болж байгаа. Мөн заалнаас сайд Л.Гантөмөрийг нэр дэвшүүлэх болсон гэх мэдээлэл бий. Саналыг нууцаар санал хураах аж. Нийт 196 гишүүн оролцох ёстойгоос 164 нь энэ удаагийн хуралдаанд оролцож буй юм байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.