Зургаан удаагийн халдлага үйлдсэн 20 мянга орчим алан хядагчдыг илрүүлэн устгана гэлээ

Twitter Print
2022 оны 01-р сар 08-нд 10:49 цагт
Мэдээний зураг,

Казахстаны Ерөнхийлөгч Касым-Жомарт Токаевын мэдэгдсэнээр өнгөрсөн хэдэн өдрүүдэд алан хядагчид Алматы хотод нийт 6 удаагийн халдлага зохион байгуулсан ба алан хядагч нарын зарим нь гадаад хэлээр ярьж байсныг онцолжээ. 

Тэрээр өөрийн албан ёсны твиттер хуудаснаа Казахстанд үүссэн нөхцөл байдлын талаар англи хэл дээр хэд хэдэн мэдэгдэл гаргажээ. 

Түүний хэлж байгаагаар Казахстанд эмх замбараагүй байдал үүсгээд буй алан хядагчид нь "сайтар бэлтгэгдсэн, зохион байгуулалт сайтай" хэмээн тодорхойлж,  тэдгээр алан хядагчид өнөөдрийн байдлаар 20 мянга хүнийг хамарсан нийт 6 удаагийн халдлагыг Алматы хотод зохион байгуулаад байна гэжээ. 

Ерөнхийлөгч Касым-Жомарт Токаев, "Алан хядагч нар цэрэг цагдаа нарыг зодож, хөнөөж, төр засаг захиргааны байшин барилгуудыг галдан шатааж, иргэдийн орон байр, дэлгүүр супермаркетуудыг тонож, энгийн иргэдийг хөнөөж, охид бүсгүйчүүдийг хүчирхийлсэн. Энэ үед бидний баримтлах гол зарчим бол алан хядагч нартай ямар ч яриа хэлэлцээр хийхгүй, харин бүгдийг нь устгана." хэмээн онцолжээ. 

Беларусийн Ерөнхийлөгч Александр Лукашенко эмх замбараагүй байдал үүссэнээс хойш олон нийтийн өмнө ил гараагүй Казахстаны Ерөнхийлөгч асан Нурсултан Назарбаевтай утсаар холбогдож, цаг үеийн асуудлаар ярилцсан бол БНХАУ-ын Ерөнхийлөгч Си Жиньпин "өнгөт хувьсгал гаргахын тулд гадны хүчнүүд эмх замбараагүй байдал үүсгэж буй явдлыг даруй таслан зогсоох ёстой" хэмээн үзэж буйгаа илэрхийлжээ. 

Өнгөрсөн баасан гарагт БНХАУ-ын Гадаад харилцааны яамны хэвлэлийн төлөөлөгч Ван Вэньбин Бээжин Казахстанд хямралаа даван туулж гарахад нь бүхий л боломж бололцоогоороо туслахад бэлэн хэмээн мэдэгдсэн билээ. 

ОХУ-ын зэвсэгт хүчний Ил-76 онгоц  Киргизийн энхийг сахиулагчдыг, машин техникийн хамт Алматы хотод хүргэж ирээд байгаа талаар ОХУ-ын Батлан хамгаалах яамнаас мэдээлж байна.

Эх сурвалж: interfax.ru

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.