"Токио-2020" олимпод амжилт гаргасан тамирчид дасгалжуулагчдыг төрийн одон, цол тэмдэгээр шагнана

Twitter Print
2021 оны 11-р сар 11-нд 09:42 цагт
Мэдээний зураг,

Монгол Улсын Ерөнхийлөгч У.Хүрэлсүх зарлиг гаргаж, "Токио-2020" олимп болон паралимпын наадамд амжилт гаргасан тамирчин, дасгалжуулагчдад төрийн одон, цол тэмдэг гардуулахаар болжээ.

Ерөнхийлөгчийн зарлигаар "Токио-2020" олимпын наадмын хүрэл медальт, ДАШТ-ийн алт, мөнгө, хошой хүрэл медальт, Монгол Улсын Гавьяат тамирчин, Жүдо бөхийн Үндэсний шигшээ багийн тамирчин М.Уранцэцэг, "Токио-2020" паралимпын наадмын алтан медальт, Гавьяат тамирчин  Э.Содномпилжээ нарт Монгол Улсын Хөдөлмөрийн баатар цол хүртээж буй бол "Токио-2020" олимпын наадмын мөнгөн медаль хүртсэн Саид Моллаи, хүрэл медаль хүртсэн жүдо бөхийн Үндэсний шигшээ багийн тамирчин Ц.Цогтбаатар, "Токио-2020" олимпын наадмаас чөлөөт бөхийн төрөлд хүрэл медаль хүртсэн Б.Болортуяа нарт Гавьяат тамирчин цол олгохоор болжээ.

Монголын чөлөөт бөхийн үндэсний шигшээ багийн дасгалжуулагч Б.Баттулга, Монголын хүндийг өргөлтийн холбооны Ерөнхий дасгалжуулагч, ДАШТ-ий хошой хүрэл медальт, Монгол Улсын Гавьяат тамирчин Ц.Хосбаяр нарт Монгол Улсын Гавьяат дасгалжуулагч цол хүртээнэ.

Түүнчлэн жүдо бөхийн спортоор олон жил тууштай хичээллэн, тив, дэлхийн тэмцээнд өндөр амжилт гаргасан жүдо бөхийн ОУХМ Д.Төмөрхүлэг, О.Ууганбаатар нарт Ерөнхийлөгчийн зарлигаар Монгол Улсын Гавьяат тамирчин цол хүртээхээр болжээ. 

Шагналыг өнөөдөр 14:00 цагаас Төрийн ордонд гардуулна. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.