Хамгийн жаргалтай бяцхан үр Их Британид амьдардаг

Twitter Print
2014 оны 11-р сар 19-нд 11:53 цагт
Мэдээний зураг,

Их Британид хорвоо дэлхийн хамгийн жаргалтай нэгэн бяцхан үр амьдардаг байна. Энэ жаахан амьтан бүр эхийн хэвлийд байх үедээ амьдралын баяр баяслыг нэвт мэдрэн мишээж байсан бол хорвоод мэндэлснийхээ дараа харсан хүн бүрт өөдрөг баяр баясгалан бэлэглэж хайр татсан гэгээнтэн болсон байв. Хүүгийн эх, эцэг Эми Крэг болон Лейтон Харгривз нар бяцхан үрийнхээ инээмсэглэлийг 31 долоо хоногтой жирэмсэн байхдаа 4D ultrasound scan хэт авианы аппаратаар анх харж байжээ. 

«Манай нөхөр бид хоёр хүүгийнхээ инээмсэглэлийг хараад гайхаж, их баярласан. Тухайн үед бидний хамт байсан эмнэлгийн ажилтнууд хүртэл бүр гайхаж байж билээ. Манай хүү цаг үргэлж инээмсэглэж байдаг, бүр унтаж байхдаа хүртэл шүү» гэж хүүгийн эх 24 настай Эми Крэг өгүүлсэн байна. (The Telegraph)

Британийн загварын агентлагууд одоо таван сартай Лео Харгривз  (Leo David Hargreaves) хүүг сурталчилгаанд ашиглах санал тавьж байгаа бол хүүгийн эцэг эх одоохондоо арай боломжгүй байгаа, жаахан өсөж томрог гэж хэлж байгаа ажээ.

Хүүхэд ер нь нэг ойдоо хүрэх үедээ инээмсэглэж эхэлдэг хэмээн үздэг байсан бол зарим тохиолдолд хорвоод мэндэлсэн эхний өдрүүдэд инээд тодруулдаг байна. Бяцхан хүүхдийн энэ инээмсэглэл хүүхдийг хэвийн хэмжээнд торниж байгааг илтгэдэг.

Дэлхий дахинд хэрэгцээ шаардлага нь улам бүр нэмэгдэж байгаа 3D болон 4D хэт авианы дүрслэх төхөөрөмж үр хөврөлийн бүхий л үе шатыг эцэг эхчүүдэд  харах боломж өгдөг байна. 

    В Великобритании мальчика называют самым счастливым ребенком в стране

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.