Зул сар дөхөхөөр Макалей Калкиныг эрж сурж эхэлдэг

Зул сарын баяр, Шинэ жилийн баяр дөхөхөөр телевизийн сувгуудаар хүмүүсийн хамгийн үзэх дуртай киноны жагсаалтанд тогтмол тэргүүлж байдаг нэгэн кино бий. Энэ киногүйгээр Зул сар болно гэдэг байж болшгүй зүйл гэж үздэг хүмүүс ч бий. Энэ бол Холливудын алдарт “Гэртээ ганцаараа” кино, түүний гол дүрийн жүжигчин, хүн бүхний хайрыг татсан Macaulay Culkin билээ.

Macaulay Culkin багаасаа гэр бүлийн хүчирхийлэл дунд өсч, ээжийг нь байнга зоддог байсан аавын хатуу, чанга хяналтан дунд өссөн. Түүний аав нэрд гараагүй жүжигчин байсан бөгөөд өөрийнхөө хүрээгүй нэр алдарт хүргэхийн тулд хүүгийнхээ аз жаргал, эрх чөлөөг золиослосон юм.

Дөнгөж 14 настай байхдаа Macaulay Culkin их олон таагүй зүйлстэй тулгарсан. Аав, ээж нь салж, хүүхдүүдээ хэн нь авах тухай “дайн” дэгдээж, тал тийш нь бөмбөг шиг “шидэцгээж”, ээж нь хамаг мөнгөө өмгөөлөгчид зарцуулж, гэр бүл нь ядуу зутруухан амьдарч, хэцүүхэн болсон тул тэрээр өөрийнхөөрөө амьдрахаар шийдэж ээж аавыгаа шүүхэд өгч, өөрийнхөө олсон мөнгийг өөртөө зарцуулан бие даан амьдрахаар шийдсэн байна.

Аз болоход, Шүүхийн шийдвэр Калкины талд гарч тэр мөнгөөрөө ээжийнхээ өрийг дараад, хоёр бага дүү болон эгчтэйгээ тусдаа гарсан аж. Шоу бизнесийн замаар явах хүсэлд нь ар гэрээ авч явах, дүү нараа өсгөж өндийлгөх гээд үнэхээр нүсэр байсан нь саад болж, кино урлагтаа тууштай зүтгэж чадаагүй юм. Өөрөө хүүхдээрээ байсан түүнд том хүнд ч ахадмаар ачаа ирсэн, мөн үлгэр дуурайлал авах хүн байгаагүйгээс олон удаа алдсан юм. Ийнхүү тэрээр бусдын нүднээс нуугдан амьдарч байхдаа 17 нас хүрэлгүй гэрлэсэн бөгөөд үүнийх нь төлөө аав нь хэзээ ч эвлэрэхгүй гэдгээ зарласан билээ.

Калкин 2000 онд Холливудад дахин хөл тавьсан. Уран зохиолын багш нь садар самуунд татдаг 15 настай хүүгийн дүрийг амжилттай бүтээн, дараа нь 2003 онд "Рагtу Моntег" кинонд тоглосноороо өөрийгөө "буцаж ирсэн" гэдгээ тунхагласан юм.

Одоо 33 настай Macaulay Culkin-ы амьдрал, нэр хүнд ганц Америк төдийгүй дэлхий дахинд хамаатай байж унаж, босоход нь шүтэн бишрэгчид нь хамт “унаж, босч” байв. Тэрбээр хэтэрхий багаасаа олны хараа, хайр, мөнгөнд умбаж, оддын өвчинд автагдан, дараа нь гэр бүлтэйгээ шүүхдэлцэж, хар тамхинд донтон хэт тураалд орж, хэн ч танихын аргагүй болсон нь шүтэн бишрэгчдийнх нь сэтгэлийн тун ч ихээр гонсойлгосон юм. Олны өмнө ил гарахаа байж, нуувчинд ороод байсан Macaulay Culkin өнгөрсөн жил үхлийн ирмэг дээр ирсэн төдийгүй аргагүйн эрхэнд хар тамхитайгаа тэмцэж эхэлсэн байна. Тэрээр олны өмнө гарахаа больж хамгийн сүүлд гэхэд ганц л удаа өөрийн дотны анд Майкл Жексоны оршуулга дээр шинэ найз охинтойгоо ирсэн ажээ. Мөн Майкл Жексон өөрийнхөө хөрөнгийг бараг тэр чигээр нь Калкинд үлдээсэн нь саяхан зарлагдсан.

Өнгөрсөн Зул сарын баярын өмнөхөн түүнийг шинэ найз, хар үст охины хамт Францын Парис хотоор зугаалсаныг ихэд сүр дуулиан болгон мэдээллэж байсан. Тэд их л аз жаргалтай харагдаж байсан ба гар гараасаа хөтлөлцөж, бас байн байн үнсэлцэж байсан гэж бүр онцлон дурдаж байсан.

Түүний шинэ найз бүсгүй нь хэн бэ гэдэг дээр олон таамаг дэвшүүлж, бас түүнийг өнгө орж, эрүүл саруул, аз жаргалтай харагдаж буйд нь олон фэнүүд нь баяртай байгаагаа илэрхийлж байсан юм. Тэдний зургийг Францын фото зургийн FameFlyne агентлаг авч олон нийтэд хүргэсэн.

Харин түүнээс хойш сураг чимээгүй байсн түүнийг Зул сарын байр ойртохоор эрж сурах явдал үнэхээр их болдог гэдгийг гэрчлэх бас нэг явдал ойрын өдрүүдэд боллоо. Энэ нь “Гэртээ ганцаараа” киноны од жүжигчин Макалей Калкин амиа алдсан хэмээн олон улсын хэвлэлүүд мэдээлж байсан юм. Түүний найзууд твиттер, инстаграмдаа “Макалей Калкин үхчихлээ” хэмээн бичиж, олныг төөрөгдүүлсэн билээ.

Энэхүү мэдээллийн дараа жүжигчний фэнүүд Калкиний гэрийн гадна цэцэг, чихмэл зэрэг дурсгалын зүйлс байршуулж, эмгэнэл илэрхийлсэн юм. Харин жүжигчин залуу “Тэнэг амьтад. Би амьд байна” хэмээн жиргэсэн билээ. Тус жиргээний дараа тэрбээр олны өмнө гараагүй юм.

Тэгвэл 34 настай Калкин хэдхэн хоногийн өмнө Лос Анжелес хотын “El Rey” театр жүжиг үзэхээр явж байхдаа гэрэл зурагчдын дуранд өртсөн тухай “www.dailymail.co.uk” мэдээллээ. Тэрбээр “Би амьд байгаа биз дээ. Та нарт өөр юу хэрэгтэй юм. Намайг тайван орхи” гэжээ.