“Макс Өргөө” компанийн барилгын хашаа нурж, нэг хүн бэртлээ

Twitter Print
2014 оны 11-р сар 21-нд 15:07 цагт
Мэдээний зураг,

Өнөөдөр 14 цагийн орчимд Чингэлтэй дүүргийн 5-р хорооны нутаг дэвсгэр, Тэнгис кино театрын баруун урд талд баригдсан “Макс Өргөө” ХХК-ийн гадна талын хашаа нурж, улмаар хажуугаар нь явж байсан явган хүнийг хүнд гэмтээжээ. Тодруулбал, 50 орчим насны эрэгтэй хүн хашаанд даруулж гэмтсэн байсныг Яаралтай түргэн тусламжийн 103-ынхан ГССҮТ рүү авч явсан байна.

Өнгөрсөн жил энэхүү барилга дээрээс өргөгч хавтангийн төмөр зам дээр явж байсан автомашин дээрээс унаж, 30 гаруй настай залуугийн аминд хүрсэн хэрэг гарч байсан. Тухайн үед уг барилгыг зөвшөөрөлгүйгээр үйл ажиллагаагаа явуулж байсан хэмээн холбогдох албаныхан мэдээлж байсан ч төд удалгүй үйл ажиллагаа нь үргэлжилсээр өнөөдрийг хүрчээ.

Хашаа нурж, хүн гэмтээсэн хэргийг харъяа дүүргийнх нь цагдаагийн хэлтэс шалгаж эхэлсэн бөгөөд гэрчүүдээс мэдүүлэг авч байгаа юм байна. 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.