Хятад улсад онлайнаар 10 их наяд юанийн худалдаа хийгджээ

Twitter Print
2021 оны 11-р сар 15-нд 16:42 цагт
Мэдээний зураг,

Хятадын Төрийн зөвлөлийн хэвлэл мэдээллийн албанаас 15-нд хийлгэсэн Улс ардын эдийн засгийн эргэлтийн тухай хэвлэлийн бага хуралд Хятадын Статистикийн үндэсний газрын хэвлэлийн төлөөлөгч, Улс ардын эдийн засгийн бүртгэлийн газрын дарга Фү Линхүйгийн танилцуулснаар, энэ оны 1-10 дугаар сард Хятад улсын онлайнаар хийгдсэн жижиглэнгийн худалдааны нийт хэмжээ 10 их наяд 376 тэрбум 500 сая юаньд хүрч, ноднингийн мөн үеийнхээс 17.4%-иар нэмэгджээ.

10-р сард, нийгмийн хэрэглээний бараа бүтээгдэхүүний жижиглэнгийн худалдаа 4 их наяд 45 тэрбум 500 сая юаньд хүрсэн нь ноднингийн мөн үеийнхээс 4.9%-иар, өмнөх сарынхаас 0.5 нэгжээр өссөн байна. Хот суурингийн хэрэглээний бараа бүтээгдэхүүний жижиглэнгийн худалдаа 3 их наяд 509 тэрбум юаньд хүрч, мөн үеийнхээс 4.8-иар өссөн бол хөдөө орон нутгийнх 536.4 тэрбум юаньд хүрч, мөн үеийнхээс 5.6%-иар нэмэгджээ.

1-10 дугаар сард нийгмийн хэрэглээний бараа бүтээгдэхүүний жижиглэнгийн худалдааны нийт хэмжээ 35 их наяд 851 тэрбум 100 сая юаньд хүрч, мөн үеийнхээсээ 14.9% нэмэгджээ.

Эх сурвалж: Хятадын Олон улсын радио

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.