Хүүхдийн хөлний нумгүйжилт буюу хавтгай тавхайн тухай

Twitter Print
2021 оны 12-р сар 01-нд 12:56 цагт
Мэдээний зураг,

Хөлний нум нь хүүхдийг гүйх харайх үсрэх үед нуруу тулгуур эрхтнүүдэд ирж байгаа доргилтыг багасгаж биед нөлөөлөх доргилтын ачаалалыг зохицуулдаг нэг ёсны жийргэвч пүрш гэж ойлгож болно.

Хүний хөлийн тавхай нумарч байх ёстой, гэтэл сүүлийн жилүүдэд хүүхдүүдийн хөлийн тавхай хавтгайрах өвчлөл нэмэгдэж байна. Хавтгай тавхай өвчин гэдэг нь хөлийн дотор талын нум үүсэхгүй байхыг хэлдэг. Даамжирвал Х хөлтэй болох улмаар биеийн тулгуур эрхтэний тогтолцоонд өөрчлөлт оруулдаг. Ихэвчлэн бага байх үеэс тохиолддог “асуудлын ”-ийн нэг. Энэ үзэгдэл бага насны хүүхдүүдэд хэвийн үзэгдэл ч засахгүй явсаар байвал тулгуур өвчний суурь болдог.

Төрөхөөс эхлээд явж сурах хүртэл, тавхайн нум үүсээгүй байдаг. Тэрнээс цааш хөлд орж эхлэх буюу 8 сартайгаас 2 нас хүртэлх хугацаанд нум үүсдэг. Харин хүүхдийн тавхайд нум үүсэхгүй хавтгайрсан тохиолдолд 5-6 нас хүртэлх хугацаанд нум үүсгэж болдог. хүүхдийнхээ хөлд ажиглалт хийж хөлийн тавхай хавтгайрч байвал арга хэмжээ авч эхлэх хэрэгтэй.

Үүсэх шалтгаан

1. Удамшлын шинж чанартай байна.

2. Буруу хувцаслалт буюу кет, пүүз, домашки гэх мэт хавтгай гутлаас үүдэлтэй байна. Хүүхэдээ зөөлөн тухтай гэж бодож авч өгч буй гутлууд гэж сонгодог гутлууд хүүхдийн тавхайг хавтгайруулж байна.

3. Агаар, салхи, Д витамин дутуу авах

4. Зарим тохиолдолд дутуу төрсөн хүүхэд: Хэрэв хүүхдийнх нь хөл нумрахгүй байвал элс, зүлэг, хайрга дээр гишгүүлэх, нумтай гутал өмсгөх, дугуй унуулах, хөлийн тавхайн дасгалуудыг тогтмол хийлгэх хэрэгтэй. Мөн дөнгөж хөлд орох үеэс нь хатуу ултай, ар тал зуузай сайтай аль болох ул өсгий 2 нь тусдаа салангид заагтай гутал өмсүүлж эхэлбэл зөв хөгжих эхлэл тавигдана. Домашки болон ижил загварын зөөлөн гутал ерөөсөө өмсгөж болохгүй!

Хүүхдийнхээ хөлийг нумтай үгүйг энгийнээр шалгах бол: цагаан бичгийг цаасан дээр хөлийг нь тод өнгийн усан будгаар будаж гишгүүлнэ. Нумтай хэсэг хоосон гарах ёстой. Харин хавтгай тавхайтай бол бүтэн улаараа харагдана. ЯГ ОДОО ШАЛГААРАЙ.

НУМГҮЙ болон нум багатай хүүхдэд дасгал массаж, хийх нумтай, гутал улавч алт болох өмсгөх хэрэгтэй. Нумтай улавч гутал өмсгөх нь илүү даамжруулахгүй байх талтай ч давхар дасгал хийлгэхгүй бол нэмэргүй гэдгийг анхаараарай. Эцэг эхчүүд нумтай гутал, улавч өмсгөчихөөд одоо зүгээр болно биз дээ гэдэг тийм юм ерөөсөө байхгүй шүү

Хөлний гишгэлт засах гимнастикийн дасгалыг мэргэжлийн дасгалжуулагчаас зөвөлгөө аван тогтмол хугацаанд хийх нь чухал юм. 5-11 нас бол дасгалаар нумыг засахад боломжтой үе юм. Гэхдээ нас биеийн онцлогоос шалтгаалан дасгал хийх хугацаа давтамж өгөх ачаалал нь өөр өөр харилцан адилгүй байдаг. Харин 1. 5-4 насны үед эцэг эхийн тусламжтай дасгал хийхээс гадна массаж ач тустай.

Харин одоо энэхүү видеонд хавтгай улыг эмчлэх олон дасгал байгаа бөгөөд та өөрт таарсан дасгалыг сонгон авч хийгээрэй.

Эдгээр дасгалууд дээр нэмээд өдөр болгон хөлийн ул, тавхайд иллэг хийж байх нь илүүдэхгүй юм. Ингэснээр таны хөл сайхан амарч байх болно. 

Мөн хөлөө усанд дүрэх зэрэг нь хөл амрааж, дасгалын үр дүнг батжуулдаг байна. Та хөлдөө анхаарч байх хэрэгтэй ба учир нь хөл бол таны суурь тулгуур билээ.
 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.