Ж.Нурлан бодибилдингийн анхны дэлхийн аварга боллоо

Twitter Print
2014 оны 12-р сар 08-нд 17:46 цагт
Мэдээний зураг,

Энэтхэгийн Мумбай хотод бодибилдинг, фитнессийн дэлхийн аварга шалгаруулах тэмцээн болж байна. Энэ тэмцээнд манай улсаас найман тамирчин оролцож байгаагаас эрэгтэйчүүдийн 85 кг-ын жингийн мастер 40-49 насны ангилалд Ж.Нурлан алтан медалиар энгэрээ мялааж, төрийн дууллаа эгшиглүүлэв.

Дэлхийн аварга Ж.Нурланы хувьд 1991 оноос уг спортоор хичээллэж байгаа бөгөөд 23 жилийн дараа энэхүү алдрыг хүртлээ. Тэрээр 2004, 2005, 2006, 2012 оны улсын аварга шалгаруулах тэмцээний үнэмлэхүй аварга “Монголын мистер”, Азийн аваргын хошой хүрэл медаль хүртэж байв. Үүнээс гадна эрэгтэй фитнесс ангилалд Б.Хүсэлтүвшин мөнгөн медалиар энгэрээ мялаажээ. Тэрээр энэ оны УАШТ-ээс алтан медаль хүртсэн шилдэг тамирчин бөгөөд багш нь шинэ дэлхийн аварга Ж.Нурлан юм байна. Монголын тамирчдаас өнгөрсөн жилийн дэлхийн аваргаас фитнесс модель ангилалд Б.Оюунгэрэл хүрэл медаль авч байсан.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.