Коронавирусээс сэргийлэхийн тулд үхрийн шээс уужээ

Twitter Print
2020 оны 03-р сар 15-нд 12:56 цагт
Мэдээний зураг,

Энэтхэгийн Хинду шашны нэгэн групп бямба гарагт үнээний шээс уух тусгай үдэшлэгийг зохион байгуулжээ. Тэд үнээний шээсийг эмийн чанартай, ариун ундаа хэмээн итгэдэг бөгөөд дэлхий дахинаа тархаад буй коронавирусын халдвараас сэргийлэх зорилгоор эл арга хэмжээг зохион байгуулсан гэнэ.

Гэвч, судлаачид үнээний шээсэнд хорт хавдар зэрэг өвчнийг анагаах ямар ч шид байхгүй гэдгийг удаа дараа нотлож байсны зэрэгцээ коронавирусээс сэргийлдэг гэх нотолгоо ч байхгүй байгаа юм. Шашны тус группын нэр нь Ахил Бхарат Махасабха. Тэд нийслэл хот дахь шашны группынхээ төв байранд үхрийн шээс уух “үдэшлэг”-ээ хийж, 200 гаруй итгэгчээ хамруулжээ. Цаашид улсынхаа өнцөг булан бүрт энэ төрлийн үйл ажиллагааг зохион байгуулах сонирхолтой байгаа гэнэ. Тусгай үдэшлэгт оролцсон Ом Пракаш “Бид 21 жилийн турш үхрийнхээ шээсийг ууж байна. Бид бас үхрийн баастай усанд ордог. Европ эм уух шаардлагагүй” хэмээн ярьжээ.

Hindu group offers cow urine in a bid to ward off coronavirus-н зурган илэрц

Энэтхэгийн Ерөнхий сайд Нарендра Модигийн тэргүүлдэг Хинду үндэсний намын лидерүүд өмнө нь хорт хавдрын эмчилгээ, эмийн түүхий эдэд үхрийн шээс ашиглахыг сурталчилж байсан бол зүүн хойд хэсгийн нэг мужийнх нь удирдагч коронавирусыг эмчлэхэд үхрийн шээс, баасыг ашиглах боломжтойг мэдэгдэж байв. 

Шинэ төрлийн коронавирусын халдвараар дэлхийн 138 мянган хүн өвчилж, 5000 гаруй хүн нас бараад байна. Тус вирусын эсрэг батлагдсан шинжлэх ухааны эмчилгээ одоогоор байхгүй бөгөөд дэлхийн улс үндэстнүүд тахлын тархалтыг хянахын төлөө тэмцэж байна.

Эх сурвалж: Reuters

Г.Ананд

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.9.46.120) 2020-03-16 00:04
      • 0
      • 0

      манайхны эхийн шээстэй л бараг адилхан юм бишүү ххэ.

      Хариулах