Эрчүүд рүү архирах тусам...

Twitter Print
2020 оны 06-р сар 21-нд 10:37 цагт
Мэдээний зураг,

Улсын филармонийн хажуугийн талбайг Эх үрсийн талбай болгоно гэв үү? Сайхан нь ч сайхан сонсогдож байна. Гэхдээ яагаад эх үрсийн гэж? Гэр бүлийн талбай байж болдоггүй юм уу? Тэгээд аав нар нь гадаа машиндаа, эсвэл гудамжинд Эх үрсийн талбайд зугаалж яваа гэр бүлийнхнийгээ хүлээгээд золбирч байх юм уу?

Нэртэйгээр нь эх үрсийн өдөртэй, эх үрсийн талбайтай, эх үрсийн ордонтой, эх үрсийн дэлгүүртэй, эх үрсийн тусгай амралттай, эх үрсийн кино театртай, эх үрсийн номын сантай болчихвол яасан юм бэ?

Би хэлээд л байгаа шүү. Жендерийн тэгш эрх гэдэг нэрээр монгол эрчүүдийг үнэгүйдүүлэх технологи хэрэгжээд 30 жил өнгөрлөө. Нийгэм эрчүүд рүүгээ архирах тусам тэд эргээд араа шүдээ харуулна. Өөрсөд рүү нь харж инээгээгүй нийгэм рүү тэд инээж нялуурахгүй. Эрчүүдийг буланд шахаж модоор хатгаж, төмөр шиг үгээр балбачихаад тэднээс хайр энэрэл, халуун дулааныг хүснэ, нэхнэ гэж байхгүй.

Том намын том албатай эмэгтэй сонгуулийн сүүлийн өдрүүдэд "Эрчүүдийн тансаглалыг зогсооё" гээд л мэдэгдэж байна. Тэртэй тэргүй монгол эрчүүд боловсролоос, ажлын байрнаас, гэр бүлээсээ шахагдаад хэцүүдэж байна. Ингэж л улс орныг хүйсийн талцлын ирмэг дээр авчирч, ард түмнээ хүйсээр ялгаварлахын ангал руу чирэхгүй шүү.

Би эмэгтэй гэж хашгирах тусмаа би чамаас ялгаатай, ялгаатай учраас ялгаж ханд гэж тунхаглаад байгаа юм шүү дээ. Эр юм байж... гэж яллах тусмаа энэхүү хүйсийн ялгаварлан гадуурхалтыг өөрсдөө ч мэдэлгүй бий болгодог.

Хайрлаж байж хайрыг төрүүлнэ, өвлүүлнэ, хайрлаж байж хайрлуулна...

Р.Эмүжин

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.