Долоон хүүхдийг садар самуунд уруу татсан багшийг яллагдагчаар татжээ

Эрүүгийн цагдаагийн албаны Кибер гэмт хэрэгтэй тэмцэх хэлтэс Хүүхдийн эсрэг интернэт гэмт хэрэгтэй тэмцэх ажлын хүрээнд олон нийтийн сүлжээ болон цахим мэдээллийн сүлжээ ашиглан насанд хүрээгүй хүүхдүүдэд садар самууныг сурталчилж, уруу татсан хоёр этгээдийг илрүүлжээ.

Тодруулбал, нэг нь дунд сургуульд багшилдаг 57 настай эрэгтэй сурагчдад давтлага өгөх нэрийдлээр садар самуунд уруу татаж, бэлгийн дур хүслээ ёс бусаар хангахыг завдсан нь илэрсэн бол нөгөө нь 35 настай их сургуульд багшилдаг нэгэн байжээ. Тэрбээр фэйсбүүкт хуурамч хаяг нээж, олон удаагийн үйлдлээр 12-16 насны долоон хүүхдийг садар самуунд уруу татаж, бэлгийн харилцаанд орсон байна.

Тэдэнд Эрүүгийн “Хүүхдэд садар самууныг сурталчлах, уруу татах”, “Бага насны хүүхдийн эсрэг үйлдсэн”-т заасан гэмт хэрэг үйлдсэн үндэслэлээр эрүүгийн хэрэг үүсгэж яллагдагчаар татсан байна. Тиймээс эцэг, эх, асран хамгаалагчид өөрийн хүүхдийн өдөр тутмын үйл хөдлөл, цахим хэрэглээнд тавих хяналт сул байгаагаас хүүхдүүд энэ төрлийн гэмт хэргийн хохирогч болох эрсдэл бий болж байна, мөн гэмт этгээдүүд хуурамч фэйсбүүк хаяг ашиглах замаар хохирогчтой харилцаа холбоо тогтоож, уг харилцаагаа эцэг, эхээсээ нууцлах талаар ухаалга хийх болсон, хүүхдүүд гэмт этгээдийн мэдээллийг өөрийн ангийн хүүхэд мэтээр хуурамч нэрээр гар утас болон цахим хаягтаа хадгалж байсан нь гэмт этгээдийн ухуулгад автаж, харилцаагаа нууцлах оролдлогыг хийсэн байгааг цагдаагийн байгууллага анхаарууллаа.

Г.Ганаа