Солонгост хууль бусаар амьдарч буй гадаадын иргэд халдвар авсан тохиолдолд 100 хувь үнэ төлбөргүй эмчлүүлэх, халамжийн мөнгө хүртэх эрхтэй гэлээ

Twitter Print
2020 оны 03-р сар 06-нд 11:17 цагт
Мэдээний зураг,

Гадаад хүн Корона19 вирус халдварласан тохиолдол гарсан, цаашид шарч болзошгүй тул Солонгосын засгийн газраас "Солонгос дахь хууль бус иргэдийн асуудлаар" хэлэлцлээ.

Солонгос улсын "Халдварт өвчин урьдчилан сэргийлэх хууль"-ын дагуу гадаадын иргэд ч халдвар авсан тохиолдолд 100 хувь үнэ төлбөргүй эмчилүүлэх эрхтэй, тусгаарлагдаж амьдрах хугацаан дахь амьжиргааны халамжийн мөнгө хүртэл олгохыг албан ёсоор тодотголоо.

Цаашид хууль бус гадаадын иргэд баригдаж явахаас эмээж Корона вирусын халдварыг нуун дарагдуулахахаас урьдчилан сэргийлэх үүднээс боломжит бүх аргыг хэрэгжүүлэх талаар үүрэг даалгавар өглөө.

Мөн хууль бус иргэд Корона19 шинж тэмдэг илрэх үед барьж нутаг буцаахгүйн баталгаа олгох нь зүйтэй учир орон нутаг дахь гадаадын холбоодоор дамжуулж мессэж тараах хэрэгтэйг ч онцлон дурджээ.

Мөн өмнөх үеүүдийн туршлагаас харахад хүнд өвдсөн хууль бус гадаадын иргэдэд виз олгогдож байсан талаар дурьдаж энэ удаад ч хэрэгжих боломжтой гэсэн хариулт гарсан. Тиймээс хууль бус иргэд бичиг баримтны зөрчлөөс үл хамааран вирусын шинж тэмдэг илэрсэн тохиолдолд эмнэлгийн тусламж хүсэхээс айж бэргэх хэрэггүй гэлээ.

Мөн Сөүл хотын захиргаанаас Сөүл хотод ажиллаж амьдарч буй хууль бус гадаад иргэдийг ялгаварлан гадуурхагдахаас урьдчилан сэргийлж Корона вирус халдварлах тохиолдол, мөн шинж тэмдэг илрэх үед Сонам Глобал төвийг түр хүлээн авах тусламжын байраар товлож, хамгаалах шийдвэр гарчээ.

Жич: БНСУ-ын Хууль зүйн яам нь оршин суух хугацаа нь дуусах гадаад иргэдийн оршин суух эрхийг 4-р сарын 30-ны өдрийг хүртэл автоматаар сунгах шийдвэр гаргалаа. Үүнд хууль ёсны бүртгэлтэй гадаадын иргэд хамаарагдах бөгөөд оршин суух хугацаа хоёрдугаар сарын 24-ний өдрөөс эхлэн ирэх дөрөвдүгээр сарын 29-ныг хүртэл дуусах иргэд хамаарагдах юм. Мөн оршин суух эрх хүсэн шалгагдаж байгаа болон бүртгэлгүй хууль бус иргэд, мөн гэрээт ажилчдад үйлчлэхгүй.

А.Ананд

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.