Цагаан сараар 5 хоног амарна

Twitter Print
2021 оны 01-р сар 02-нд 08:11 цагт
Мэдээний зураг,

Монголчуудын олон зуун жилийн уламжлалтай үндэсний баяр болох Цагаан сар шинийн нэгэн хэзээ тохиох талаар Монгол Улсын Шинжлэх ухааны гавъяат зүтгэлтэн, Доктор, профессор, Зурхай судлаач Л. Тэрбишээс тодруулав.

-Цагаан сарын баярыг "Төгсбуянт" шинэ зурхайн билгийн тооллын дагуу хаврын эхэн сард тэмдэглэдэг. Энэ жил XVII жарны "Цөөвөр” хэмээх "Төмөр үхэр" жилийн өвлийн адаг сарын битүүн 2022 оны хоёрдугаар сарын 1-ний мягмар гарагт болно. XVII жарны Усан барс жилийн Цагаан сарын ШИНИЙН НЭГЭН 2022 оны хоёрдугаар сарын 2-ны лхагва гарагт тохионо гэв.

Монголчууд 200 гаруй жил Манжийн Чин улсын харьяанд явахдаа Шар зурхайгаар Цагаан сарын баяр тэмдэглэдэг байжээ. 1911 онд тусгаар тогтнолоо сэргээж, 8-р Богд Жавзандамба хутагт хааны зарлигаар Төгс буянтын зурхайг буцаан хэрэглэх болсон байна.

Төгсбуянт зурхайн тооллоор дээрх өдрүүдэд тэмдэглэнэ.

"Монгол Улсын Бүх нийтээр тэмдэглэх баярын болон тэмдэглэлт өдрүүдийн тухай хууль"-д зааснаар Цагаан сарын баяраар билгийн тооллын хаврын тэргүүн сарын шинийн 1, 2, 3-нд амарна. Энэ өдрүүд нь ирэх оны хоёрдугаар сарын 2, 3, 4-ний лхагва, пүрэв, баасан гарагт тохиож байна. Тиймээс бямба, ням гарагийг оруулаад нийт тав хоног бүх нийтээрээ амрах юм байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.