Үндэсний бөхөд барьц сонгодог асуудлыг халжээ

Twitter Print
2021 оны 05-р сар 16-нд 18:41 цагт
Мэдээний зураг,

Монголын үндэсний бөхийн холбооны Цэцдийн зөвлөлийн хурал өнөөдөр /2021.05.15/ хуралдаж, Үндэсний их баяр наадмын тухайн хуульд нэмэлт өөрчлөлт оруулах тухай болон бусад асуудлыг хэлэлцсэн юм.

Энэ үеэр заал танхимын барилдаанд болон улсын баяр наадмаар бөхчүүд барьц сонгодог асуудлыг бүр мөсөн халжээ.

Монгол улсын Засгийн газрын 2018 онд шинэчлэн баталсан Монголын үндэсний бөхийн барилдааны дүрмийн

4.5.Хоёр бөхийн барилдаан үргэлжлэх үндсэн хугацааг дараахь байдлаар тогтооно. Үүнд: 1, 2, 3-ын даваа    10 минут 4, 5-ын даваа    15 минут 6, 7-ийн даваа    20 минут 8, 9, 10-ын даваа    25 минут тус тус байна.

4.6.Барилдааны үндсэн хугацаа дуусахад хаялцаагүй бөхчүүдийн барилдааныг зогсоон, хөлийн цэц шодож дараахь барьцыг хоёр бөхөд ээлжлэн бариулж барилдуулна. Үүнд: а/ Сэнжигдэн элэг бүсдэх, б/ дан шуудагдах, в/ давхар шуудагдах.

Харин хоёр бөх санал нийлсэн тохиолдолд дээрх гурван барьцыг дараалахгүйгээр аль нэгийг сонгон бариулж болно.

4.7.Дээрх гурван барьцнаас хаялцаагүй тохиолдолд дахин шодож, хожсон бөх нэг гараар учраагийнхаа араар тойруулан зодогны алсын сүврэгнээс, нөгөө гараараа шуудагдан барих ба учраа бөх нь нэг гараараа суганы хонхорцгоос, нөгөө гараараа элэг бүсний хажуугаас тосч барина. Энэ үед хоёр бөхийн шанаа зөрсөн байх бөгөөд энэ барьцнаас эс хаялцвал учраа бөхөд нь дээрх барьцыг  бариулах замаар хаялцтал үргэлжлүүлнэ. Энэ барьцыг хаялцах барьц гэж нэрлэнэ.

4.8.Сонгосон барьцтай барилдааныг 3 минутаас илүү үргэлжлүүлэхгүй бөгөөд үүнээс өмнө барьц задарвал дараагийн барьцыг бариулж барилдуулна.

4.9.Тухайн дүйз барилдаан эхэлснээс хойш 10 минут өнгөрөхөд гарч ирээгүй бөхийг унасанд, нөгөө бөхийг давсанд тооцно хэмээн заасн байдаг.

Гэсэн хэдий ч сүүлийн жилүүдэд бөхчүүд жин их нэмж, уран барилдаан, мэхээр бус биеийн жин бяраар барьц сонгодог байдлаас учраа бөхөө давж байна хэмээн бөх сонирхогчид шүүмжилж ирсэн. Тэгвэл ийнхүү барьц сонгодог асуудал байхгүй боллоо.

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.