Нью-Йорк хот дахин хаагдах нь

Twitter Print
2020 оны 10-р сар 06-нд 17:10 цагт
Мэдээний зураг,

АНУ-ын Нью-Йорк хотын захирагч Билл Дебрасио 10 сарын 4-ний өдөр хийсэн хэвлэлийн бага хурал дээр шинэ коронавирусийн халдварын тархалт дахин ихсэж буй тус хотын 9 бүсэд сургуулиудыг хаах, аж ахуйн нэгжийн үйл ажиллагааг зогсоох зэргээр хотыг хаах (Lockdown) арга хэмжээг дахин эхлүүлэх шийдвэрийг Мужийн захирагчийн зөвшөөрлөөр 7-ны өдрөөс эхлэн хэрэгжүүлэхээр төлөвлөж байгаагаа дурдсан байна. 

Вирусийн шинжилгээний эерэг түвшин сүүлийн 7 хоногт дунджаар 3%-иас давсан Бруклин, Квинс зэрэг 9 дүүрэгт ойролцоогоор 600,000 хүн амьдардаг бөгөөд эдгээр бүс нутгийн 300 орчим сургуулийн танхимийн хичээлийг болон эмнэлгийн үйлчилгээ, хоол хүнс зэрэг өдөр тутмын амьдралд зайлшгүй шаардлагатай аж ахуйн нэгжээс бусад үйл ажииллагааг түр зогсоох гэнэ. Ресторан зоогийн газрын такеаут үйлчилгээнээс бусад газрын үйл ажиллагааг түр хаах ажээ. 2 долоо хоногт эдгээр хариу арга хэмжээг хэрэгжүүлээд халдварын эерэг түвшин 3% -иас буурахгүй бол дахин 2 долоо хоногоор сунгах сунгах юм байна.

АНУ-д халдварын хамгийн хүнд байдалд байсан Нью-Йорк хот эдийн засгийн үйл ажиллагаагаа болгоомжтой үргэлжлүүлэн эхлүүлэнгээ, халдварыг тодорхой хэмжээнд хязгаарлаж ирсэн боловч 9 сарын дунд үеэс еврей шашны сүсэгтнүүд олноор амьдардаг газруудад кластер халдварууд дэгдэж, шинжилгээний эерэг түвшин өссөн учраас ийм шийдвэрт хүрээд байгаа юм байна.

Ойдовын Батгэрэл Ph.D

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.