Ирэх долоо хоногоос Австралийн сургуулиуд бүтэн цагаар ажиллаж эхэлнэ

Twitter Print
2020 оны 05-р сар 20-нд 16:57 цагт
Мэдээний зураг,

Австралийн хамгийн их хүн амтай Нью Саут Уэльс мужийн хүүхдүүд ирэх долоо хоногоос сургуульдаа эргэн орж, бүтэн цагаар хичээллэж эхлэхээр болжээ.

Нью Саут Уэльсийн Ерөнхий сайд Глэдис Бережиклян эдийн засгийг сэргээж, ажилгүйдлийн түвшинг буруулах арга хэмжээ авахаар төлөвлөж байгаа ба улсын сургуулийн 800 мянга орчим сурагчид эргээд хичээлдээ явах аж. Австралийн мужууд коронавирусын цар тахалтай холбоотойгоор 2 сарын турш хөл хорио тогтоосны ачаар тус улс коронавирусын цар тахлыг хяналтандаа авч чадсан гэж үзэж байгаа ба мужууд хөл хорионы дэглэмийг 3 үе шатаар сулруулж эхлээд байгаа билээ. Нью Саут Уэльс мужийн Ерөнхий сайдын мэдэгдсэнээр сургуулиуд сурагчдыг КОВИД-19 өвчнөөс урьдчилан сэргийлэх, сурч боловсрох аюулгүй орчин нөхцлийг бүрдүүлэх тал дээр шаардлагатай арга хэмжээнүүдийг авсан аж.

Австралид коронавирусын халдвар авсан 7060 тохиолдол бүртгэгдээд байгаагийн 40 гаруй хувь нь Нью Саут Уэльс мужид бүртгэгдсэн билээ. Австралийн агаарын тээврийн Qantas Airways компани мужууд хилийн хяналтаа сулруулсан тохиолдолд ирэх 7-р сар гэхэд дотоодын нислэгүүдийнхээ 40-50 хувийг сэргээж, зорчигчдод хямд, уян хатан үнэ санал болгоно гэдгээ мэдэгджээ. Тус компанийн зүгээс ирэх сарын 12-ноос эхлэн онгоцны зорчигчдод амны хаалт, ариутгалын нойтон салфетка зэргийг тараадаг болно гэдгээ мэдэгдсэн байна.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.