Японы сүмо бөхийн холбоо нацү башёг цуцаллаа

Twitter Print
2020 оны 05-р сар 05-нд 13:15 цагт
Мэдээний зураг,

Японы мэргэжлийн сүмо бөхийн холбоо өчигдөр/2020.05.04/ албан ёсоор ирэх нацү башёг цар тахлын улмаас цуцалж байгаагаа мөн ирэх долдугаар сарын башёг Нагояа хотод бус Токио хотод зохион байгуулахаар болж байгаагаа зарлалаа.

Учир нь тухайн үед Нагояа хотод цар тахлын тархалт байх боломжтой хэмээн үзэж байгаа аж. Нацү башё цуцлагдсан талаар шинэхэн озеки Асанояама “Би анхааралтай бэлтгэлээ үргэлжлүүлэн хийнэ. Ирэх долдугаар сарын башёдаа анхаарал хандуулна” хэмээжээ. Харин Ёокозүна Какүрюү “Ирэх долдугаар сарын башёд хүн бүрийг сайн байна гэдэгт итгэлтэй байна” гэжээ. Ийнхүү энэхүү спортын түүхэнд гурав дахь удаагаа башё цуцлагдсан тохиолдол боллоо.

Хамгийн сүүлд 2011 оны гуравдугаар сард барилдаан тохиролцсон хэмээн башёг цуцалж байсан аж. Одоогийн байдлаар ояката Такадагава, хоёрдугаар зиндааны бөх Хакүёозан болон доод зиндааны таван бөх шинэ коронавирусийн халдвар аваад байна.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.