Улс орнууд ОХУ-ын эсрэг хориг тавьж эхэллээ

Украины хоёр мужийг тусгаар улс хэмээн зарлаж, Украин руу цэргээ оруулах шийдвэр гаргасантай нь холбоотойгоор Япон улс ОХУ-ын эсрэг хориг арга хэмжээ авахаар болжээ.

Японы Ерөнхий сайд Фүмио Кишида Японы нутагт дэвсгэр дээр ОХУ-ын бондыг гаргахыг хориглож, ОХУ-ын нэр бүхий хүмүүст хилийн хориг тогтоож, Япон дахь хөрөнгийг нь царцаах шийдвэр гаргажээ.

Ерөнхий сайд Фүмио Кишидагийн мэдэгдсэнээр Москва Украины зүүн хязгаар луу цэргүүдээ оруулахаа мэдэгдсэн нь Украин улсын тусгаар тогтнолд заналхийлсэн явдал бөгөөд нөхцөл байдал хурцдсан тохиолдолд нэмэлт хориг арга хэмжээ тогтооно гэжээ.

Канадын Ерөнхий сайд Жастин Трюдо мөн л Канадын санхүүгийн байгууллагуудад Оросын бондыг худалдаж авахыг хориглож, Оросын төрийн өмчит банкуудад хориг арга хэмжээ тогтоож, тэдгээр банкуудтай ажил хэрэг явуулахыг хориглоно хэмээн мэдэгджээ.

Түүнээс гадна канадчуудад Оросын талыг баримтлагч босогчдын эзэлсэн Луганск, Донецк мужуудтай санхүүгийн гэрээ хэлэлцээр, худалдаа хийхийг хориглож байгаа ба Ерөнхийлөгч Владимир Путины шийдвэрийг дэмжсэн Оросын эрх баригчдын эсрэг хориг арга хэмжээ тогтоохоо мэдэгджээ.

Эх сурвалж: BBC

Содномцэрэнгийн Энхзаяа 

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.