Токио, Осака, Хиого, Киотод онц байдал зарлахыг дэмжжээ

Twitter Print
2021 оны 04-р сар 23-нд 13:30 цагт
Мэдээний зураг,

Японы засгийн газрын дэргэдэх шинжээчдийн баг Токио, Осака, Хиого болон Киотод онц байдал зарлахыг дэмжжээ. Японы томоохон хотуудад коронавирусын халдвар огцом нэмэгдэж, үүнтэй зэрэгцэн коронавирусын шинэ, халдварлах чадвар өндөртэй хувилбаруудын тархалт өсөх өндөр эрсдэлтэй байна гэжээ.

Коронавирусын халдвартай тэмцэх ажлыг хариуцаж буй Японы Эдийн засгийг сэргээх сайд Нишимура Ясүтоши, "Бид одоо л шийдэмгий арга хэмжээ авахгүй бол коронавирусын шинэ хувилбаруудын тархалтыг хяналтаасаа алдана." хэмээн анхааруулсан байна.

Шинжээчдийн багаас гаргасан саналыг энэ баасан гарагт парламентад танилцуулах ба үүний дараа засгийн газар шийдвэрээ гаргах ба Японы Ерөнхий сайд Ёшихидэ Суга хэвлэлийн бага хурал зарлаж, засгийн газрын шийдвэрийг танилцуулах аж. Онц байддын дэглэм нь 5-р сарын 11 хүртэл үргэлжлэх ба дээр дурдагдсан засаг захиргааны нэгжүүдэд үйл ажиллагаа явуулдаг согтууруулах ундаа зардаг баар, зоогийн газруудыг хаах аж.

Map: Designated cities in Osaka & Hyogo

Өнгөрсөн пүрэв гарагт Осазад 1100 гаруй халдварын тохиолдол бүртгэгдсэн ба сүүлийн 3 өдөр дараалж халдварын тоо 1000-аас буурахгүй байгаа аж. Харин Токиод 861 тохиолдол бүртгэгджээ. Япон улсад нийтдээ коронавирусын халдварын 553 мянга гаруй тохиолдол бүртгэгдээд байгаа ба уг вирусын халдварын улмаас 9700 хүн нас бараад байна.

Эх сурвалж https://www3.nhk.or.jp/nhkworld/

Орчуулсан: Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.