Сүүлийн өдрүүдэд хүн амын дундах Ковидын халдвар өсөн нэмэгдэж байгаа энэ үед хатуу хөл хорио тогтоох тухай яригдаж, ард иргэд бухимдаж буй билээ. Засгийн газар эцэслэн шийдвэр гаргаагүй байгаа ч Шадар сайд С.Амарсайхан өөрийн цахим хуудсаар дамжуулан дараах мэдэгдлийг хийжээ.
Тэрбээр "Засгийн газар, УОК иргэдийнхээ эрүүл мэндийг ч хамгаалаж, айл өрх, аж ахуйн нэгжүүдийн орлогыг тасалдуулахгүй, үйл ажиллагааг нь ч хэвийн явуулахын тулд боломжит бүхий л арга хэмжээг авч хэрэгжүүлсээр ирлээ.
Засгийн газараас вакцинжуулалтыг эрчимжүүлж, өнөөдрийн байдлаар насанд хүрсэн 2 сая 60 мянга гаруй иргэдийнхээ 25 хувийг вакцины эхний тунд хамруулаад байна.
Гэвч Монгол төрд монгол хүний амь наснаас илүү үнэ цэнэтэй зүйл гэж үгүй учир халдварын тархалт эрчимтэй нэмэгдэж байгаа энэ үед хөдөлгөөний хатуу хязгаарлалт давхар хийж, тархалтын хумих шаардлага үүсч байна.
Улс орны минь эрхэм баялаг нь Эрүүл хүн ард.
Вакцинаа тариулсан та халдвараас хамгаалж, маскаа зүүж, зайгаа барьж, шаардлагагүй бол гадуур гарахгүй байхыг хүсье!" гэжээ.
Г.Ганаа
Энэ мэдээ танд таалагдаж байвал LIKE хийгээрэй. Танд баярлалаа.
