Латин Америкийн орнуудын иргэд коронавирусын эсрэг вакцинд хамрагдаж эхэллээ

Twitter Print
2020 оны 12-р сар 25-нд 12:24 цагт
Мэдээний зураг,

Мехико хотын эмнэлгийн эрчимт эмчилгээний тасгийн сувилагч, 59 настай Мария Айрин Рамирез коронавирусын эсрэг вакцинд хамрагдсан Латин Америкийн анхны иргэн болсон байна.

Өнгөрсөн мягмар гарагт Мексикт иргэдийг коронавирусын эсрэг вакцинд хамруулах хөтөлбөр эхэлсэн ба тус улс Америкийн Pfizer, Германы BioNTech компаниудын хамтран бүтээсэн коронавирусын эсрэг вакцины эхний ээлжний 3000 тунг хүлээн аваад байсан юм. Мексик улс Америкийн Pfizer, Германы BioNTech компаниудын коронавирусын эсрэг вакцинаас нийтдээ 34 сая тунг худалдан авах гэрээ хийсэн аж.

Жонс Хопкинсын их сургуулийн сждалгаагаар Мексик улсад коронавирусын халдвар авсан нийт 1.3 сая тохиолдол бүртгэгдсэн ба тус улс коронавирусын халдварын улмаас нас барсан иргэдийнхээ тоогоор дэлхийд 4т жагсаж байна. Коронавирусын эсрэг вакцинд хамрагдсан Латин Америкийн анхны иргэн болсон Мария Рамирез, "Бид айдастай байна. Гэхдээ бид урагшлах ёстой. Дээр нь би цар тахлын эсрэг галын шугаманд зогссон хэвээр байхыг хүсч байна." хэмээн ярьжээ. Мексикийн засгийн газар 2021 оны эхний улирал дуусах үед эмнэлгийн салбарын бүх ажилчдыг коронавирусын эсрэг вакцинд хамруулж дуусгахаар төлөвлөөд байгаа аж.

Өнгөрсөн пүрэв гарагт Чили болон Коста-Рика улсад мөн коронавирусын эсрэг вакцинд иргэдийг хамруулах хөтөлбөр эхэлж, Америкийн Pfizer, Германы BioNTech компаниудын вакциныг хийж эхлээд байна. Аргентины эрх баригчид ОХУ-ын Спутник-Ви вакцинд яаралтай журмаар зөвшөөрөл олгосон ба тус вакцины эхний ээлжний 300 мянган тун пүрэв гарагийн өглөө Буэнос-Айрес хотод иржээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.