Шашин хоорондын мөргөлдөөнөөс үүдэн Энэтхэгийн Ражастан мужид онц байдал зарлажээ

Twitter Print
2022 оны 06-р сар 30-нд 11:41 цагт
Мэдээний зураг,

Өнгөрсөн мягмар гарагт Энэтхэгийн хойд зүгийн Ражастан мужийн Уйдапур дүүрэгт лалын шашин шүтдэг хоёр эр хиндү шашин шүтдэг эрийг хөнөөж буй бичлэгээ цахим орчинд нийтлэсэн хэрэг гарчээ.

Уг хэрэг явдалтай холбоотойгоор Ражастан мужид иргэдийн дунд шашны мөргөлдөөн үүсэж, эрх баригчид тус мужид онц байдал зарлахад хүрчээ.

Канхайяа Лал нэртэй оёдолчин эрийг хөнөөсөн этгээдүүд хохирогч эр лалын шашныг үндэслэгч зөнч Мухаммедийг доромжилсон улстөрчийг дэмжсэн нийтлэлийг цахим хуудсандаа нийтэлсэн гэсэн шалтгаанаар хөнөөсөн хэмээн ярьжээ.

Энэтхэгийн засгийн газар Ражастан мужийн интернет сүлжээг тасалж, иргэдийг олуулаа цугларахыг хориглосон байна.

Цагдаа нар хэрэг үйлдсэн этгээдүүдийг баривчилсан ба тухайн этгээдүүд үйлдсэн гэмт хэргийнхээ талаар гайхуулан, сүх далайлган Ерөнхий сайд Нарендра Модийг заналхийлж буй бичлэг хийсэн байсныг мөн илрүүлжээ.

Ражастан мужийн сайд Ашок Гэхлот иргэдийг тайван байхыг уриалсан бол Энэтхэгийн засгийн газар Энэтхэгийн терроризмтай тэмцэх хамгийн том агентлаг болох Үндэсний Мөрдөн Байцаах агентлагт уг хэргийг сайтар шалгахыг үүрэг болгожээ.

Өнгөрсөн сард эрх баригч Бхаратияа Жаната намын хэвлэлийн төлөөлөгч Нупур Шарма лалын шашинг үндэслэгч гэгддэг зөнч Мухаммедийн талаар маргаан дагуулсан мэдэгдэл хийсэн нь Энэтхэгийн шашны цөөнх лалын шашинтнуудын уур бухимдлыг төрүүлж, Бхаратияа Жаната нам Нупур Шармаг намын гишүүнчлэлээс хассан билээ.

Харин амиа алдсан оёдолчин эр 3 долоо хоногийн өмнө шашны маргаанаас болж баривчлагдаж байсан ба суллагдсаныхаа дараа амь насанд нь заналхийлж буй талаар цагдаа нарт мэдэгдэж, хамгаалалт хүсэж байсан талаар Индиан Экспресс сонинд бичсэн байна.

Эх сурвалж: BBC

Содномцэрэнгийн Энхзаяа

Mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Сонгогч

      (64.119.21.75) 2019-11-07 13:25
      • 0
      • 1

      Зөв шийдвэр байна. Энэ хэдэн цадигаа алдсан төрийн өндөр түшээдэд сургамж анхааруулга болог. Оюун-Эрдэнийг яаж ч доош нь хийсэн цуцаж болохгүй шүү, зарчимч шударга зан чинь авч явна шүү залуу минь! Монголын ард түмэн дэмжиж байгаа, МАНАН-гийнхан хйигээд намгийн ногоон мэлхий баабар, хонины мах иддэггүй бат-үүл мэт сүгнүүд юу гэж гонгинож байх нь хамаагүй, бүү ажир залуу минь!

      Хариулах

    • Зочин

      (103.26.194.5) 2013-12-13 08:25
      • 1
      • 0

      Suuliin uyed ene Chinbatynhan Hevlel medeelliinhentei bur dain zarlajee. Ter Mongol HD TV ohin Nomin ni bas yagaad baigaa yum be. Huviin businees gedeg todorhoi hemjeegeer sanhuujilt olj baij l heden hun ch gesen tsalinjuulj, tureesee tolj amidarna biz dee. Mongolyn gazar doorhi bayalagiig gantsaaraa hurtegchid, oligarjiudad l mongonoloh zovlon baidaggui baih daa. Ooroo nil brand bolson, end tendehiin udeshleg show hessen huuhen baidagbyum gesen. Ajilchid ni oligtoi tsalin avdagguibl yum bileesh dee.

      Хариулах