Давсанд хүний амьд явахад хэрэгтэй эрдэс бодис ихээр агуулагддаг

Давс хортой юу?

Давс NaCl нь бидний организмд байдаг 5 дахь макроэлемент. 60 кг жинтэй хүнд Na 90 гр, Cl 90 гр нийлээд 180 гр (36 цайны халбага) байх ёстой. Энэ хоёрын өмнө кальци, фосфор, кали, хүхэр байдаг. Давс нь хүний биеийн шингэнийг тэнцвэртэй байлгах, хүчил-шүлтийн тэнцвэрийг хадгалах, мэдрэлийн импульсийг дамжуулахад чухал нөлөөтэй, түүнээс гадна давсгүйгээр ходоодны хүчил хэвийн ялгарахгүй.

Давс дутагдвал хүүхдийн өсөлт зогсоно, булчин зангирна, идэвхгүй болно (апатиа), хоолны дур хүсэлгүй болно, хоолны шингэц муудна. Бүр их дутагдвал хэт хөлрөмтгий болно, дотор муухайрна, чацга алддаг болно, бусад минералуудын дутагдал болно, унтамхай болж сүүлдээ үхэлд хүрнэ.

Энэ байдал мэргэжлийн тамирчид болон өндөр температуртай нөхцөлд ажилладаг хүмүүст их тохиолддог. Дээр үед үүнээс болж халуун орчинд ажилладаг хүмүүс олноороо нас бардаг байж. Үүнээс болж хордлого тайлах шингэн гэж сахар, давстай ус бий болсон түүхтэй.

Баруун Европ болон Америк, Канад улсад сүүлийн 30-д жилд давс даралтыг ихэсгэдэг, үүнийг дагаад зүрхний шигдээс ихэснэ гэж сурталчлаад хэрэглээг нь 65% багасгасах, энэ хугацаанд цус харвалт, шигдээсээр нас баралт 90% нэмэгдсэн байна.

Бельги Леувен хотын Их Сургуулийн зүрх судасны өвчний клиникийн судлаач профессор Jan Staessen-ны удирдлагаар хийсэн судалгаагаар давс нь цөөн хүний дээд даралтыг л түр зуур ихэсгэдэг, үүнээс болж даралт ихсэх өвчтэй, эсвэл шигдээстэй болох эрсдэлийг нэмэгдүүлэхгүй, харин давсны хэрэглээг багасгах нь үхэлд хүргэх нэг шалтгаан болж байна гэж дүгнэжээ.

Давсны хэрэглээг багасгах нь сахарын өвчний 2-р хэлбэр, бодисын солилцооны өвчин, шингэний дутагдал, зүрх судасны дутагдал зэргийг нэмэгдүүлж үхлийн тоог өсгөдөг гэжээ.

Даралт нь ихэсдэггүй хүмүүс давснаас болж даралт ихэснэ гэж байхгүй, даралт ихтэй хүмүүсийн 3%-д давс нөлөөлдөг ба эдгээр хүмүүс нь шингэний дутагдалтай хүмүүс байдаг. Тиймээс ийм хүмүүст өдөрт 8 аяга ус уулгахад даралт нь буудаг гэсэн байна.

Канадын Хамильтон хотын МкМастерийн Их сургуулийн судлаачид зүрх судасны болон сахарын өвчтэй 30000 хүнд судалгаа хийгээд давс бага хэрэглэдэг өвчтөнүүд эдгэрэхдээ удаан байна гэсэн дүгнэлт хийжээ.

2011 онд Journal of American Medical Association сэтгүүлд гарсан судалгаагаар өнөөгийн Америкийн иргэдийн давсны бага хэрэглээ (2-3 гр) нь олон хүмүүсийг өвчлүүлж, өвчний улмаас нас барсан хүний тоог нэмэгдүүлж байна гэжээ.

6250 хүнд хийсэн судалгаагаар давсны хэрэглээг багасгах нь шигдээс, цус харвах болон зүрх судасны дутагдлаар эндэхийг багасгаж чадахгүй байна гэдгийг дахин баталжээ.

Олон улсын судлаачдын баг 32 улсын 100000 хүнд судалгаа хийхэд өдрийн дундаж давсны хэрэглээ 9,9 гр, японы зарим нутагт давсны хэрэглээ 26 гр байсан, япончуудын дундаж хэрэглээ 11,4 гр байжээ. Япончууд дэлхий дээр хамгийн өндөр насалдаг, зүрх судасны өвчин хамгийн бага байдаг ард тумэн.

Давс нь биеийг хоргүй болгоход тусалдаг, галогены эгнээний хорт бодисууд болох флюор, бром зэргийн хортой хортой нөлөөг багасгадаг.

Хлор нь бөөрийг бромид, флюорын хордлогоос хамгаалж, дээрхи бодисыг шээсээр гадагшлуулахад нь тусалдаг. Дээр үеийн эмч нар бромын хордлого авсан хүнд давс өгч организмыг нь цэвэрлэдэг байж. Давс багатай хоол бромын хордлогыг ихэсгэдэг.

Бром нь шүдний оо, жигнэмэг, ундны ус, бүх төрлийн косметик, цэвэрлэгээний бодис, модон эдлэл, хулганы хор, антидепресант эмнүүд, астмын эсрэг эмүүдэд элбэг байдаг. Бром нь бамбай булчирхайн үрэвсэл, аутоиммунный өвчин, арьсны өвчин, сэтгэцийн өвчин, бамбай булчирхайн хавдар, бөөрний хавдар бусад хавдар зэрэг олон өвчин үүсгэнэ. Давс бага идвэл бромидын аюулаас сэргийлж чадахгүй.

Хүний биед 84 минерал байдаг, үүнээс 72 нь цэвэршүүлээгүй давс, далайн давсанд байдаг. Организмын эсэд энэ элементүүд дутагдвал өөрийнхөө ионыг хянаж чадахгүй болж эс задарч эхэлдэг. Энэ нь мэдрэлийн өвчин, тархины эс гэмтэх, булчин агшиж шөрмөс татах, эсвэл эс өөрийгөө нөхөн сэргээх процесс алдагдаж эмгэг өвчтэй эс олширно.

Цэвэршүүлээгүй давс хэрэглэхэд шингэн эсэд чөлөөтэй нэвтэрч судасны хана, бөөрний эсэд чөлөөтэй нэвтэрнэ. Давсны хэмжээ цусанд их болоход эс хоорондын зайд шингэн ихсэнэ, энэ нь эсийг шингэний дутагдлаас хамгаалж тэжээлийн бодисоо шимж авахад тусалж, биеийн шингэний тэнцвэрийг хадгалахад туслана. ХАРИН ЦЭВЭРШҮҮЛСЭН ДАВС ҮҮНД САДАА БОЛДОГ.

Академич Б.Болотовын бичсэнээр бол дэлхий дээр ургамлын аймаг( флор), амьтны аймаг (фаун) оршдог. Ургамал нь шүлтлэг чанартай, амьтан хүн бол хүчиллэг, давслаг байдаг гэнэ. Далайн давстай усаар цэцэг ногоог усалж болдоггүй гэнэ. Ходоодны хүчлийн найрлагад давсны хүчил байдаг, тиймээс махыг задалж боловсруулдаг, харин цөс нойр булчирхайн фермент нь шүлтлэг шинжтэй тул голдуу өөх тос, нүүрс усыг задалж боловсруулдаг ба задарч амжаагүй уургийн үлдэгдлийг боловсруулах үүрэгтэй. Хоол идэх үедээ шингэн уувал ходоодны хүчлийг шингэлж хоолны шингэцийг муу болгоно, харин давстай шингэн уувал ходоодны хүчлийг шингэлэхгүй. Эсвэл хоол идээд 30 минутын дараа чимх давс амандаа хийж уусахаар нь залгивал хоолны шингэцийг сайжруулахаас гадна, хөгширсөн эсийг хайлуулж организмаас гаргана, оронд нь эрүүл шинэ эс үүсэх боломжтой болдог. Ингэснээр хүний насыг уртасгаж болно гэнэ. Давсгүйгээр хүн амьд явах боломжгүй . Махчин амьтад амьтны махнаас давс авдаг. Цус давсны амттай байдаг нь тохиолдол биш. Давсны уусмалыг яагаад физиологийн шингэн гэсэн бэ гэвэл цус их алдсан үед цусыг орлож чаддаг болохоор нь тэгж нэрлэсэн. Дайны үед бороотой шөнө шархтай цэргүүд амьд үлдэх нь их байдаг гэнэ. Давстай усанд мах, ногоог удаан хадгалж болдог.

Хэрэв хүн давс бага хэрэглэвэл түргэн хөгширч нас нь богино болдог. Цусан дахь давсны хэмжээ бага болвол цус өтгөрч, цусны эс задарснаас болж судас битүүрнэ. Давс нь организмд хүчилтөрөгчтэй адил чухал үүрэгтэй, эсийн амьдрах хамгийн тохиромжтой нөхцөлийг бүрдүүлж, эсийн нөхөн төлжилтийг сайжруулдаг. Шүдийг давстай усаар зайлахад шүд хэзээ ч өвдөхгүй бөх болдог, далайн амьтдын шүд өвдөнө гэж байдаггүй гэнэ.

Хавдрын өвчтэй хүмүүс аль болох их давс хэрэглэвэл сайн, үсэндээ давс түрхээд 30 минутын дараа угаавал үсний хаг арилдаг, үс унахаас сэргийлнэ.

Ханиад хүрсэн үед давстай усаар хоолойгоо зайлж, нус гоожиж хамар битүү үед давстай усаар хамраа зайлбал хурдан эдгэнэ. Хлор нь эсийн найрлагад ордоггүй, гэхдээ катализатор болдог, мэдрэлийн эсэд импульс дамжихад оролцдог.

Бехтеревийн өвчин, Паркинсоны өвчин, паралич, шизофрени, тайван биш болох, нойргүй болох, зүрхний хэм алдагдах зэргийг хлорын ионы дутагдал улам ихэсгэдэг байна.

Давсгүйгээр амьдрал гэж байхгүй гэж академич Б. Болотов бичсэн байна. Ногоог давсалж хадгална гэдэг нь шүлтлэг чанарыг нь байхгүй болгож, хүчиллэг болгож байгаа, тиймээс хүний организмд амархан шингэнэ. Үүнээс гадна давсалж дарсан ногоонд аминхүчил, витамин, пептид, гликоген (хүчиллэг крахмал). сүүн хүчлийн бактери бий болдог, энэ нь бидний эрүүл мэндэд чухал хэрэгтэй бодис юм.

Амьтны сэг нь шүлтлэг болдог тиймээс ургамалд тэжээл болдог "мод тарихад нохой хэрэгтэй" гэсэн Мексик зүйр үг байдаг байна.

Эртний грекийн цэргүүд жижиг хүүдийнд чулуун давс авч яваад хагалж жижиг хэсгийг амандаа хийж өвчнөөс өөрсдийгөө хамгаалдаг байсан гэнэ.

Академич Болотовын зөвлөснөөр Украин улсад давсны сувилал ажилладаг ба хүмүүсийн биеийг халуун уураар юмуу усаар халаагаад бүх биед нь давс түрхээд нийлэг материалаар бүх биеийг нь ороож 30 мин орчим суулгаж хөлсөөр хорт бодисуудыг организмаас гаргадаг байна.

Гэртээ ванн-д 2 стакан давс хийгээд бүх биеэрээ орж 30-40 минут суухыг зөвлөдөг ба энэ нь организмд хуримтлагдсан хорт бодисыг багасгаж, булчингийн агшилтыг суллаж цусны эргэлтийг сайжруулдаг гэж үздэг.

Үүнээс гадна Академич. Болотов чихрийн өвчний нэг шалтгаан нь давс бага хэрэглэснээс болдог гэж үзэж чихрийн өвчтэй хүмүүсийн биеийг давслаг болгох ёстой гэж хэлсэн байдаг. Украины эмнэлэгт чихрийн өвчтэй хүмүүст давсны уусмал судсаар нь хийхэд глюкоз нь багасаж байжээ. Тиймээс давс нь чихрийн өвчний хүндрэлийг багасгахад нөлөөлдөг байна.

Давсны уурхайд ажилладаг хүмүүс амьсгалын замын өвчнөөр өвчилдөггүй болохыг дээр үеэс мэддэг болсон бөгөөд үүнийг нь ашиглаж Польш улсад давсны уурхай дотор уушигны өвчтэй хүмүүст зориулсан сувилал ажиллаад олон жил болж байгаа.

Европ тивд нилээн олон улс орны ёс заншилд талх, давс байдаг хүндтэй байр эзэлдэг. Талх нь үргэлж хоолтой явахыг, давс нь эрүүл явахыг бэлгэдэж байдаг гэнэ.

Энд би зөвхөн цэвэршүүлээгүй давсны тухай бичсэн болно.

БАДРАХЫН БАЯРСАЙХАН

КРАКОВ хот

 

Энэ мэдээ танд таалагдаж байвал LIKE хийгээрэй. Танд баярлалаа.