ЦЕГ: Сонгуульд нэр дэвшигч 300 мотоцикл авчирсан, мөнгө тараахыг завдсан зэрэг зөрчлийг шалгаж байна

Twitter Print
2020 оны 06-р сар 19-нд 16:16 цагт
Мэдээний зураг,

Тагнуулын ерөнхий газар, Цагдаагийн ерөнхий газрын хамтран сонгуулийн үеийн гэмт хэрэг, зөрчлийн талаар мэдээлэл өгч байна. ТЕГ-ын Олон нийттэй харилцах албаны дарга Т.Баярхүү "Өнгөрсөн хугацаанд иргэний улс төрийн эрх эрх чөлөөний эсрэг 89 гомдол бүртгэгдсэний 90 хувийг гэмт хэргийн шинжтэй, 10 зөрчлийн шинжтэй гомдол бүртгэгдсэн. 

Үүнээс илт худал мэдээлэл тараах 5, сонгуулийн хорооны ажилд саад болох 2, санал асуулгад хууль бусаар нөлөөлөх 1 нийт найман хэрэгт хэрэг бүртгэлтийн хэрэг нээжээ. Харин зөрчлийн 9 гомдлыг харьяаллын дагуу шилжүүлсэн. Сонгогчдод мөнгө, аялал амралтад явуулах, бэлэг өгөх зэрэг гомдол 11 ирсэн" гэлээ. ЦЕГ-аас дөрөвдүгээр сарын 20-ноос эхлээд сонгуулийн сурталчилгааг зөрчсөн гэх 1118 гомдол ирсний 518 нь нийслэлд, 600 нь орон нутагт бүртгэгдсэн байна. 

Эдгээрээс Дундговь аймагт нэр дэвшигч 300 мотоцикл авчирч, хашаанд хадгалсан, бэлэн мөнгө тараахаар авч явсан, шатахуун өгсөн гэх мэт үйлдлүүдийг илрүүлэн, шалгаж байгаа юм байна. Хэрэв иргэдэд бэлэн мөнгө тараах үйлдэл гарсан тохиолдолд тухай үйлдлийг цагдаагийн байгууллагад мэдэгдэх бөгөөд үнийн дүнг 10 дахин нэмэгдүүлэн шаардах үндэслэл бий гэдгийг хэллээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.