Япон улс хөл хориогоо албан ёсоор цуцаллаа

Twitter Print
2020 оны 05-р сар 25-нд 18:57 цагт
Мэдээний зураг,

Өнөөдөр Японы ерөнхий сайд Абэ Шинзо хэвлэлийн бага хурал хийж, хөл хориог Япон улс даяар цуцалж буйг зарлан мэдэгдлээ. Тус улсад тавдугаар сарын 4-ний өдөр хөл хориог энэ сарын 31-нийг хүртэл зарласан байсан юм. 

Харин өнөөдөр эмч, судлаач мэргэжилтнүүдийн хурлаар цуцалж болно гэж үзсэн тул ийнхүү цуцлахад хүрсэн байна. Урлагийн тоглолт 100 хүн хүртэлх хэмжээний байхаар, спортын тэмцээнүүд эхний ээлжинд үзэгчгүй хийж эхэлж болох зөвшөөрлийг олгож байгаа юм байна.

Хөл хориог үргэлжлүүлж байх нь эдийн засагт сөрөг нөлөө ихтэй гэж бас үзэж байгаа бололтой. Засгийн газраас бизнес эрхлэгчид болон ЖДҮ-ийн бизнес эрхлэгчдээ мөнгөн тусламжаар дэмжихээ амлаж байна. Мэдээж корона вирусын 2 дахь давалгаа ирж магадгүй, гэвч энэ удаагийнх шиг хатуу хөл хорио тогтоохоос аль болох зайлсхийх болно гэж байна. Эрүүл мэндийн байгууллага болон эрүүл мэндийн байгууллагад ажилладаг хүмүүсийг олон талаар дэмжиж ажиллахаа амлаж байна.

Монгол улсын ерөнхий сайд У.Хүрэлсүх өнөөдөр хэвлэлийн бага хурал хийж хөл хорионы хугацааг 06.30ны өдрийг сунгасан. Бизнес эрхлэгч болон ЖДҮ-чдийг ямар нэгэн байдлаар дэмжих бодлого огт яригдаагүй. Сонгууль, наадам хийж байх хооронд олон компани, хувийн жижиг бизнес эрхлэгчид дампуурч ажилгүйчүүдийн эгнээнд элсэхэд бэлэн болно.

А.Галбадрах 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.