Их сургуулийн IT-ийн ангиудыг ялгаж салгаж ойлгох нь

Twitter Print
2023 оны 06-р сар 15-нд 11:16 цагт
Мэдээний зураг,

Их сургуулийн IT-ийн ангиудыг ялгаж салгаж ойлгох нь

МЭДЭЭЛЛИЙН СИСТЕМ

Их хэмжээний өгөгдөлтэй ажиллах чадвартай, замбараагүй зүйлсийг эмхлэх, ялгах дуртай байх.

МЭДЭЭЛЛИЙН ТЕХНОЛОГИ

Хэрэглээний болон системийн, нарийвчилсан, серверийн гэх мэт нэгэнт зохиогдсон программ хангамжууд ашиглаж ажиллах, Шинэ программ судлах, гүнзгийрүүлж ойлгох, хэрэглээнд ашиглаж чаддаг байх.

ПРОГРАММ ХАНГАМЖ

Код бичих, алгоримт бичих, аливаа юмны уялдаа холбоог ойлгох, логик чадвар сайтай байх, юмыг бусдын хардаг өнцөгөөс бус өөр өнцөгөөс харах чадвартай, заримдаа этгээд ч гэж хэлэгддэг байх.

ЦАХИЛГААН ХОЛБОО, УТАСГҮЙ ХОЛБОО

Холбооны салбарт хэрэглэгдэж буй техник, теохнологийн үндсэн зарчмыг судалсаны үндсэн дээр харилцаа холбооны байгууллагуудад тоног төхөөрөмжийн угсралт суурьлуулалт, ашиглалт хариуцаж ажиллана. Маш өндөр хурдтай хөгжиж буй салбар. Байнга шинэ техник технологи сурч мэдэх шаардлагатай.

СҮЛЖЭЭНИЙ ТЕХНОЛОГИ

Компьютерийн энгийн сүлжээнээс авхуулаад аварга том сүлжээ зохион байгуулах, ашигт ажиллагааг дээшлүүлэх загвар гаргах, холболтууд хийх, өгөгдлийн бааз байгуулах гэх мэт бүтээн байгуулалт хийх. Энгийн нэг жижиг байгууллагаас авхуулаад улс орныг хэрсэн сүлжээ зохион байгуулах. Физик, хими, газарзүйн гээд бүх салбарын өргөн мэдлэг шаардана.

МЭДЭЭЛЛИЙН СИСТЕМИЙН АЮУЛГҮЙ БАЙДАЛ, СИСТЕМИЙН АЮУЛГҮЙ БАЙДАЛ

Мэдээллийн системээс алдаа илрүүлэх чадвартай, алдааг засах, болзошгүй аюулыг урьдчилан харах чадвартай, нягт нямбай, системийн үйл ажиллагааг бүрэн судалсан байх.

АВТОМАТЖУУАЛАЛТЫН СИСТЕМ

Энгийн гэр ахуйн автомат тоног төхөөрөмжөөс авхуулаад том том үйлдвэр, уурхайн автомат систем суурьлуулах, том төслүүд хэрэгжүүлэх ажил хийнэ. Программ хангамж, техник хангамж, цахилгаан систем, механик системийн маш өргөн цар хүрээтэй мэдлэг шаардана. Хамгийн өндөр мэдлэг шаардана. Энгийн хаалганы ухаалаг түгжээнээс авхуулаад аж үйлдвэрийн нарийн ажиллагаатай роботуудыг хүртэл зохион бүтээж, ашиглаж, суурьлуулна.

ЭЛЕТРОН СИСТЕМИЙН ПРОГРАММ ХАНГАМЖ

Хэрэглээний программаас ялгаатай нь илүү нарийвчилсан тоног төхөөрөмж, автоматжуулалт, машин механизм зэрэгт тусгайлан зориулсан программчлал хийх. Логик сэтгэлгээ шаардана.

ЭМБЕДДЭД СИСТЕМ

Микрочип, микропроцессорын дизайн гаргах, программчлах зэрэг ухаалаг утаснаас авхуулаад бүх төрлийн электрон тоног төхөөрмжийн уураг тархийг бий болгоно. Тайван, гүнзгий сэтгэдэг байх.

КОМПЬЮТЕРИЙН УХААН

Нийтлэг, бүгдийг нь багтаасан нэр байна.

МУЛЬТИМЕДИА ДИЗАЙН

Компьютер графикийн программ хангамж, тоног төхөөрөмж ашиглаж сурах. Кино, реклам, хүүхэлдэйн кононоос авхуулаад бүх төрлийн хүний нүдэнд харагдах дүрст, дуут бүтээгхүүн үйлдвэрлэх. Уран бүтээлч сэтгэлгээтэй, программ хангамж, техник хангамжийг бүрэн дүүрэн ашиглах сонирхолтой байх.

ТООН МЕДИА ТЕХНОЛОГИ

Юутуб, лайкее гэх мэт медиа сошиал сувгуудын үндсэн платформ, өгөгдлийн сан зохион байгуулах. Өөрийн гэсэн видео контент оруулах аппликейшн зохиох хүсэлтэй байх. Өгөгдлийн сан зохион байгуулах чадвартай, программ, код бичих чадвартай байх.

ӨГӨГДЛИЙН УХААНЫ ИНЖЕНЕРЧЛЭЛ

Бага хэмжээний өгөгдлөөс авхуулаад улс орны, дэлхийн хэмжээний өгөгдлийг хялбар зохион байгуулах чадвартай. Томоор сэтгэдэг, зохион байгуулах чадвартай байх.

ӨГӨГДЛИЙН ШИНЖИЛГЭЭ

Маш их өгөгдлөөс олборлолт хийх, шаардлагатай мэдээлэл гаргах, эрэмблэх, судалгаа гаргах. Маш өндөр логик сэтгэлгээ, эрэмбэлэх, ялгах чадвартай, хичээнгүй байх.

ХИЙМЭЛ ОЮУН УХААН

Өөрөө сэтгэдэг, шийдвэр гаргадаг программ хангамж, робот, машин механизм боловсруулна. Алсын хараа сайтай, гүнзгий сэтгэх чадвартай байх.

IOT ТЕХНОЛОГИ

Интернет сүлжээнд суурьласан хяналтын камер, гэр ахуйн техник хэрэгслээс авхуулаад автомашин, үйлдвэрлэлийн тоног төхөөрөмж зэрэг бүхий л төрлийн тоног төхөөрөмжийг зохион бүтээх, программчлах, угсрах, суурьлуулах, хэрэглээнд нэвтрүүлэх.

РОБОТ БА ХИЙМЭЛ ОЮУН УХААН

Илүү нарийвчилж робот түүнтэй адилтгах систем зохион бүтээх, хэрэглээнд нэвтрүүлэх, суурьлуулах. Аливааг хялбаршуулах, зохион бүтээх чадвар өндөр байвал зүгээр.

Ч.Аюурзана

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.