Меконг мөрний эрэгт байрлах Камбожийн нэгэн тосгоныхон 300 кг жинтэй далайн муур загас барьсан нь цэнгэг усанд амьдардаг загаснуудаас хамгийн томд тооцогдоно гэдгийг эрдэмтэд судлаачид онцолж байна.
Дугуй хэлбэртэй уг загасыг Борами буюу кхмер хэлнээс орчуулбал "тэргэл сар" хэмээн нэрийдсэн ба 4 м урт тус эм хүйстэй загасанд эрдэмтэд электрон байрлал тогтоогч зүүж голд нь сул тавьсан байна.
Меконг мөрний ургамал амьтдыг хамгаалах төсөл дээр ажиллаж байгаа биологич Зэб Хоган, "Дэлхийн хамгийн том загас гэхээр мэдээж сэтгэл маш их хөдөлж байна. Түүнээс гадна Меконг мөрний энэ хэсэг эрүүл хэвээрээ, ийм том загаснууд одоо хүртэл энд амьдрач байна гэсэн найдвар төрж байна." хэмээн ярьжээ.
Тус загасыг өнгөрсөн долоо хоногт Камбожийн Ко Преах арлын эргээс барьсан ба өмнө нь 2005 онд Тайландын хойд эргээр урсах Меконг мөрний хэсгээс 293 кг цулбуурт загас баригдаж байжээ.
Загасны төрөл зүйлийнхээ тоогоор Меконг мөрөн дэлхийд гуравт бичигддэг ч загас ихээр барих явдал, хог хаягдал, голын усанд далайн ус орж ирэх, усан дахь хүчилтөрөгчийн хэмжээ буурах зэргээс болж Меконг мөрний загасны тоо толгой цөөрсөөр байгааг судлаачид анхааруулсаар байгаа билээ.
Эх сурвалж: Reuters
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
