Украины талд урвасан Оросын нисгэгчид 500 мянган ам.долларын шагнал өгнө

Ми-8 нисдэг тэрэгтэйгээ Украины талд урвасан Оросын нисгэгчид Киев 500 мянган ам.долларын шагнал гардуулахаа мэдэгджээ.

Украины Тагнуулын албаны төлөөлөгч Андрей Юсов Украины телевизийн сувагт өгсөн ярилцлагадаа ОХУ-ын зэвсэгт хүчний Ми-8 нисдэг тэргийн хамт Украины талд урвасан 28 настай нисгэгч Максим Кузьминовт шагналын мөнгийг нь Украины үндэсний валют гривнагаар төлнө гэдгээ мэдэгдэж, ОХУ-ын армийн бусад албан хаагчдыг Киевийн талд урвахыг уриалжээ. Тэрээр, "Дайны гэмт хэрэгтэн болохыг хүсэхгүй байгаа оросууд бууж өгцгөө, Украины талд орцгоо, нэр төр, үзэл бодлоо хамгаалж, Путины дэглэмийн эсрэг тэмцэцгээ." хэмээн уриалсан байна.

Украины Тагнуулын албанаас зохион байгуулах гэж багагүй хугацааг зарцуулсан тусгай ажиллагааны үеэр тагнуулын ажилчид Оросын нисгэгчийг Украины талд урвахыг ятгаж чадсан ба уг ажиллагааны үеэр Оросын нисгэгч нисдэг тэрэгтэйгээ Украины агаарын бүсэд нэвтэрч, хүлээж Харьков мужийн газар нутагт газарджээ. Тухайн үед нисдэг тэргийг Украины зэвсэгт хүчний тусгай анги бүрэлдэхүүн угтаж авсан байна. Максим Кузьминовын хамт байсан нисэх багийн хоёр гишүүн уг ажиллагааны тухай мэдээгүй байсан ба  бууж өгөхөөс татгалзсан учир украины хөнөөгджээ.

Нисгэгч М. Кузьминовын гэр бүлийнхэн уг ажиллагаанаас өмнө Украин руу дүрвэсэн байсан аж.

М. Куүьминовын жолоодож ирсэн Ми-8 нисдэг тэрэг Украины армийн хувьд үнэ цэнтэй олз болсноос гадна уг нисдэг тэрэг Оросын сөнөөгч онгоцны сэлбэг тээвэрлэж явсан тухай Украинска Правда сонинд бичжээ.

М. Кузьминов өөрөө Украины талтай холбогдож, Украины талд орох хүсэлтээ илэрхилсэн гэжээ.

ОХУ Украин руу довтолсноос хойш Киев Украины талд Оросын цэргийн онгоц, хүнд зэр зэвсэгтэй урвасан цэргүүдэд шагнал амласан ба жишээ нь Оросын танктай Киевийн талд урвасан албан хаагчдад 100 мянган ам.долларын шагнал олгох аж.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.