Бразил коронавирусын халдвар авсан иргэдийнхээ тоогоор АНУ-ын дараа бичигдэж эхэллээ

Twitter Print
2020 оны 05-р сар 25-нд 10:58 цагт
Мэдээний зураг,

Өнгөрсөн ням гарагт Бразилд коронавирусын халдвар авсан иргэдийн тоо нэг өдрийн дотор 15 813-аар нэмэгдэж, нийт халдвар авсан иргэдийн тоо 363 211 болжээ.

Ингэснээр Бразил улс уг вирусын халдвар авсан нийт тохиолдлынхоо тоогоор АНУ-ын ард бичигдэх болсон байна. Өнгөрсөн ням гарагт Бразилд коронавирусын халдварын улмаас 653 нас барж, уг вирусын халдварын улмаас нийт нас барсан иргэдийн тоо 22 мянгыг давжээ. Үүнтэй холбоотойгоор АНУ-ын эрх баригчдын зүгээс Бразилиас ирж буй иргэдийг хилээр нэвтрүүлэхгүй байх шийдвэр гаргаад байна.

Цагаан ордноос мэдээлж байгаагаар АНУ-ын хилээр нэвтрэх хүсэлт гаргахаасаа өмнө Бразилд зорчсон бусад улс орны иргэдийг АНУ-ын хилээр нэвтрүүлэхгүй аж. Өмнө нь АНУ-ын зүгээс БНХАУ, Иран болон Европын зарим улс орнуудаас ирсэн иргэдийг хилээрээ нэвтрүүлэхгүй байх шийдвэр гаргасан билээ. АНУ-ын хувьд тус улс коронавирусын халдвар авсан иргэдийнхээ тоогоор дэлхийд тэргүүлж байгаа ба тус улсад КОВИД-19 өвчний халдвар авсан иргэдийн тоо 1.6 саяыг давсан байна. Түүнчлэн уг вирусын халдварын улмаас 100 мянга орчим хүн нас бараад байгаа юм.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.