Баянхонгорт алтны том орд илэрчээ

2014 оны 02-р сар 04-нд 17:44 цагт
Мэдээний зураг,

Канадын зуун хувийн хөрөнгө оруулалттай “Erdene Resource Development” компани Оюутолгойн ордоос дутахгүй их баялагтай орд илэрсэн хамгийн ач холбогдолтой металлын ордоор нэр тодроод буй. Энэ нь Баянхонгор аймагт оршдог “Алтан нар” орд юм байна. Тус ордод өрөмдлөг хийхэд 19 метрийн гүн дэх нэг тонн хөрс тутамд 8.9 грамм алт, 66 грамм мөнгө болон бусад металл, долоон метрийн гүнд тонн хөрс тутамд 20.2 грамм алт, 138 грамм мөнгө байгаа нь тогтоогдсон байна. Канадууд одоогоор тус ордод өрөм тавьж, нөөцийг нь тогтоохоор ажиллах байгаа аж. Мөн долоон метрийн гүнд тонн хөрс тутамд 20.2 грамм алт, 138 грамм мөнгө байгаа хэмээн үзсэн байна. Харин “Union South” гэж нэрлэгддэг хэсэгт арван метрийн гүнд тонн хөрс тутамд 4.5 грамм алт, есөн грамм мөнгө байгааг тогтоожээ. Тиймээс цаашид нэмэлт хайгуул хийх шаардлагатай байгаа гэж “Erdene Resource Development” компани үзэж буй юм. Монголын уул уурхайн салбарыг шинэ түвшинд гаргаж, үр өгөөжөө өгнө хэмээн энэ салбарынханд найдлага төрүүлээд буй “Алтан нар” орд Баянхонгор аймгийн нутаг дэвсгэрт байрладаг бөгөөд өнгөрсөн жилийн наймдугаар сарын сүүлээр “Эрдэнэ Монгол” компани Баянхонгор аймгийн Шинэжинст сумын нутагт гурван хайгуулын талбайд өрөм тавьжээ. Тухайн үед тус компанийнхан Зуунмодын ордоос 211 мянган тонн молибден, 258.5 мянган тонн зэсийн нөөц илрүүлсэн байдаг. Ийн “Алтан нар” орд Оюутолгойн дараа орохоор нөөцтэй болох нь тогтоогдоод буй аж.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Уншигчдын бичсэн сэтгэгдэлд www.mongolcom.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарлагсан тул Та сэтгэгдэлээ бичихдээ бусдын эрх ашгийг хүндэтгэн үзнэ үү.

Сэтгэгдэл бичих

Сэтгэгдлүүд

  • Зочин

    = 112.72.13.47 2014-02-05 10:09

    peesh mongol oron mine baylag oron ymooo