АНУ-ыг цар тахлын тухай “худал хуурмаг” мэдээлэл тарааж байна хэмээн буруушаажээ

Twitter Print
2020 оны 05-р сар 25-нд 11:56 цагт
Мэдээний зураг,

Коронавирусын цар тахлын улмаас АНУ, БНХАУ хоёрын хоорондын харилцаа хурцадсаар байна. Бүх Хятадын Ардын Төлөөлөгчдийн Их Хурлын чуулган эхэлсэнтэй холбоотойгоор өнгөрсөн ням гарагт хийсэн хэвлэлийн бага хурлын үеэр Хятадын Гадаад хэргийн сайд Ван И АНУ-ыг коронавирусын цар тахлын тухай "худал хуурмаг" мэдээлэл тарааж байна хэмээн буруушаажээ.

Түүний хэлж байгаагаар АНУ коронавирусын халдварт өртөхийн хажуугаар "улс төрийн вирус"-ийн халдварт өртсөн аж. Үүнтэй холбоотойгоор Америкийн улс төрчид коронавирусын цар тахлыг БНХАУ тараасан мэтээр ярьж, худал цуурхал тараасаар байгаа аж. БНХАУ-ын Гадаад хэргийн сайд Ван И АНУ-ыг худал хуурмаг мэдээлэл тарааж, үнэт цагаа үрэхийнхээ оронд коронавирусын халдвараас иргэдээ аврахыг уриалжээ.

Тэрээр БНХАУ коронавирусын халдвар анх 12-р сард дэгдсэнээс хойш нийгмийн эрүүл мэндийг хамгаалахын тулд хариуцлагатайгаар ажилласан хэмээн мэдэгдсэн байна. Гэсэн хэдий ч АНУ, БНХАУ хоёр хоёулаа коронавирусын цар тахлын эсрэг хамтдаа тэмцэж, хоорондоо зөрчилдөхөөс зайлсхийх шаардлагатай гэдгийг онцолжээ. АНУ-ын Ерөнхийлөгч Доналд Трампын хувьд Хятадыг коронавирусын халдварын дэгдэлтийг нуун дарагдуулж, уг вирусын халдварын талаар цаг тухайд нь мэдээлж, анхааруулаагүй хэмээн удаа дараа буруушаасан билээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.