Европын холбоо Киевт 5 тэрбум еврогийн тусламж үзүүлнэ

Европын холбоо Киевт 5 тэрбум еврогийн тусламж үзүүлнэ

Европын холбооны улс орнуудын Гадаад харилцааны сайд нар Украины нийслэл Киевт хийсэн түүхэн уулзалтынхаа үеэр Украинд 5 тэрбум евро бүхий зэр зэвсгийн тусламж үзүүлж, украины сөнөөгч онгоцны нисгэгчдийг бэлтгэхээ мэдэгджээ.

Европын холбооны Гадаад харилцааны сайд нарын Киевт хийсэн уулзалт нь НҮБ-ын чуулганыг тооцохгүйгээр  Европын холбооны нутаг дэвсгэрээс гадна хийсэн анхны уулзалт бөгөөд дайны бүсэд хийсэн анхны албан бус уулзалт гэдгээрээ онцлогтой юм.

Европын холбооны зөвлөлийн Гадаад харилцаа хариуцсан төлөөлөгч Жозеп Боррель өнгөрсөн даваа гарагт хийсэн мэдэгдэлдээ 27 гишүүн орноос бүрдэх Европын холбоо Киевт "зэрлэг балмад, хүнлэг бус" ОХУ-ыг ялахад нь тусалсан  хэвээр байх болно гэдгийн онцолжээ.

Өнгөрсөн баасан гарагт НАТО-гийн ерөнхий нарийн бичгийн дарга Йенс Столтенберг Словак, Польш улсуудад улс төрийн чиг хандлага өөрчлөгдөж байгаа ч дээрх орнууд Украины ОХУ-ын эсрэг тэмцлийг дэмжсээр байх болно гэдгээ мэдэгдсэн хэмээн мэдэгдсэн билээ.

Жозеп Боррелийн мэдэгдсэнээр Европын холбоо Украины зэвсэгт хүчинд 5 тэрбум еврогийн үнэ бүхий зэр зэвсгийн тусламж үзүүлэх ба Европын холбооны улс орнууд украины цэргийн 40 мянган албан хаагчдыг сургаж, сөнөөгч онгоцны нисгэгчдэд тусгайлан бэлтгэж, Европын холбоо, Украины батлан хамгаалахын компаниудын хамтын ажиллагааг нэмэгдүүлэх төлөвлөгөө гаргаад байгаа аж.

Жозеп Боррелийн мэдэгдсэнээр оросууд түүнийг өнгөрсөн бямба гарагт Хар тэнгисийн Одесса боомт хотоос явсан даруйд Одесса хотод цохилт үзүүлсэн аж. Тэрээр Москвад хандаж, "Бид пуужин, дронуудаас чинь айхгүй." хэмээн мэдэгджээ.

Нидерланд, Дани улсууд Киевт F-16 сөнөөгч онгоцнууд нийлүүлэхээ мэдэгдсэн бол Киев ойрын хугацаанд ХБНГУ-аас алсын зайн Таурус пуужин, АНУ-аас баллистик пуужин авахаар  хүлээж байгаа юм.

Киевт айлчилсан ХБНГУ-ын Гадаад харилцааны сайд Анналина Бэрбок Украины 2014 оноос хойш ОХУ-ын хяналтанд байгаа Луганск хот ирээдүйд  Европын холбооны нэг хэсэг болохыг үгүйсгэхгүй хэмээн нийгмийн сүлжээндээ бичжээ.

Ирэх сард Европын холбоо тус холбооны гишүүн орон болох хүсэлт гаргаап буй Украинд тавьсан шаардлагуудыг Киев хэрхэн биелүүлсэн талаарх албан ёсны тайланг танилцуулах юм. Европын холбооноос Киевт шүүхийн болон хэвлэл мэдээллийн тогтолцоог хараат бус болгох, үндэстний цөөнхүүдийн эрхийг хамгаалах, олигархуудын улс төрийн нөлөөг бууруулах зэрэг шаардлага тавьсан ба Киев зарим шаардлагыг хэдийн биелүүлээд байгаа аж.

Эх сурвалж: The Guardian

Содномцэрэнгийн Энхзаяа

 

Энэ мэдээ танд таалагдаж байвал LIKE хийгээрэй. Танд баярлалаа.