12 жилийн ялтай Нажиб Разак хааны өршөөлөөр суллагдана

Twitter Print
2022 оны 08-р сар 25-нд 14:18 цагт
Мэдээний зураг,

12 жилийн хорих ял авсан Нажиб Разак хааны өршөөлөөр суллагдана

Малайзын ахмад улстөрч Махатхир Мохамед өнгөрсөн пүрэв гарагт хийсэн мэдэгдэлдээ авлигын хэргээр шүүхээс 12 жилийн хорих ял авсан Малайзын Ерөнхий сайд асан Нажиб Разак "хааны өршөөлөөр" шоронгоос суллагдах өндөр магадлалтай гэдгийг онцолжээ. 

Малайзын Ерөнхий сайдаар ажиллаж  байсан 97 настай Махатхир Мохамедын хэлж буйгаар Малайзын хөгжлийн сантай холбоотой авлигын хэргийн шүүх хурал хойшлогдсоор байгаа нь шударга шүүх болох магадлалыг үгүй хийж байгаа аж. 

Ерөнхий сайд асан Нажиб Разак нь Малайзын хөгжлийн сангаас өөрийн хувийн дансандаа 10 сая ам. доллар авсан хэрэгт буруутай нь тогтоогдож,  шүүхээс түүнд 12 жилийн хорих ял оноож,  46.88 сая ам. долларын торгууль ноогдуулсан билээ. 

Нажиб Разакийн өмгөөлөгчид Малайзын хаан Аль Султан Абдуллагийн ордонд өршөөл хүссэн хүсэлтээ илгээсэн ба хааны ордноос энэ талаар албан ёсоор тайлбар,  мэдэгдэл хийгээгүй байна. 

Ерөнхий сайд асан Нажиб Разакийн хувьд хааны ордныхонтой ойр дотно гэгддэг бөгөөд тэрээр өнгөрсөн 5-р сард хаантай хамт лалын эйд эль фитрийн баярын ёслолд оролцож байсан билээ. 

Шүүхээс Нажиб Разакийг мөнгө угаасан,  албан тушаалаа урвуулан ашигласан,  2011 оноос 2014 оны хооронд хууль бусаар 512. 93 сая ам. доллар хувийн дансандаа авсан зэрэг хэрэгт буруутай нь тогтоогдсон байна. 

Түүнээс гадна Нажиб Разак нь дахин 3 өөр хэргээр шүүхэд дуудагдах ба  буруутай нь тогтоогдвол түүний хорих ял нэмэгдэх юм. 

Малайз болон АНУ-ын мөрдөгчид Малайзын хөгжлийн сангаас нийт 4.5 тэрбум ам. доллар хулгайлагдсан болохыг тогтоосон ба тэдгээрийн 1 тэрбум гаруй ам. доллар нь Ерөнхий сайд асан Нажиб Разакийн данс руу шилжсэн гэжээ. 

Нажиб Разакийн хувьд өөрийгөө гэм буруугүй,  улс төрийн хуйвалдааны хохирогч болсон хэмээн мэдэгдэж байгаа билээ. 

Малайзын Ерөнхий сайдаар хамгийн олон жил ажилласан Махатхир Мохамед нь 2018 онд Малайзын Ерөнхий сайдаар дахин томилогдохдоо Нажиб Разакийн Хөгжлийн сантай холбоотой авлигын хэргийг дахин сөхсөнөөр Ражиб Назак нийт 42 зүйл заалтаар буруутгагдаж,  шүүхэд дуудагдсан аж.

 

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.