Косовогийн боксын холбооноос Сербийг өөрийн багийг сонирхогчдын боксын ДАШТ-д оролцохыг хориглосон гэж буруутгажээ

Twitter Print
2021 оны 10-р сар 27-нд 11:34 цагт
Мэдээний зураг,

Серби улс Косовогийн боксын шигшээ багийнхныг хилээр нэвтрүүлэхийг хориглосон билээ. Үүнтэй холбоотойгоор Косовогийн боксын холбооноос Сербийг буруутгаад байна.

Косовогийн боксын холбооноос Сербийг өөрийн багийг сонирхогчдын боксын ДАШТ-д оролцохыг хориглосон гэж буруутгажээ. Косово Белград хотноо болох Олон улсын боксын холбоо (AIBA)-ны дэлхийн аварга шалгаруулах тэмцээнд гурван тамирчин илгээхээр төлөвлөж байсан.

Тус улсын боксчид өнгөрсөн бямба гаригт Сербийн хилээр тус улс руу нэвтрэх гэж оролдсон ч хувцсандаа Косовогийн бэлгэ тэмдгийг зүүхгүй байхыг Сербийн зүгээс шаарджээ.

Косовогийн боксын холбооны ерөнхий нарийн бичгийн дарга Латиф Демоллигийн хэлснээр, тэд эхний удаа хилээр нэвтрэхээс татгалзаж, ням гарагт дахин нэвтрэхийг оролдоход мөн л хориг тавьжээ.

Серби улс 2008 онд Косовогийн тусгаар тогтнолоо зарласныг хүлээн зөвшөөрөөгүй бөгөөд тус улсыг муж гэж үздэг. Хоёр орны хувьд хил залгаа оршдог билээ.

AIBA мэдэгдэлдээ Сербийн боксын эрх баригчидтай холбогдож, асуудлыг шийдвэрлэхээр ажиллаж байна гэжээ. Олон улсын боксын холбоо нэмж "Боксчин бүрийг зочломтгойгоор гэртээ хүлээж авах бидний зорилго. Боксын ертөнцөд хил хязгаар байхгүй. Бүх тамирчид рингэн дээр өрсөлдөж, өөрсдийн хамгийн сайн чаддаг зүйлээ харуулах шударга боломжийг авах хэрэгтэй гэж бид үзэж байна. Спорт бол ард түмнийг нэгтгэх зорилготой бөгөөд үндэсний улс төрөөс ангид байх ёстой." хэмээн мэдэгджээ.

Бүгд Найрамдах Косово улсыг олон улсын спортын холбоод, тухайлбал FIFA, Олон улсын олимпын хороо (ОУОХ) албан ёсоор хүлээн зөвшөөрдөг билээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.