Тайваньд хатуу хөл хорио тогтоосноос дэлгүүрийн лангуу хоосорчээ

Twitter Print
2021 оны 05-р сар 17-нд 10:34 цагт
Мэдээний зураг,

Тайваньд коронавирусын халдварын тохиолдлууд нэмэгдсэнтэй холбоотойгоор засгийн газраас нь хатуу хөл хорио тогтоох шийдвэр гаргажээ.

Эрх баригчид кинотеатрууд болон амралт чөлөөт цагаа өнгөрүүлэх төвүүдийг энэ сарын 28 хүртэл хааж, нэг дор цугларч болох хүмүүсийн тоог дотор танхимд 5, гадаа 10 болгон хязгаарлажээ.

Тайванин Ерөнхийлөгч Цай Ин Вэнь ард иргэдийг бараа бүтээгдэхүүнүүдийг бөөнөөр нь худалдан авахгүй байхыг анхааруулжээ. Тэрээр иргэдийг айж сандрахгүй байхыг зөвлөж, дэлгүүр худалдааны төвүүдэд олноороо цугларснаар коронавирусын халдвар тархах эрсдэлтэй гэдгийг онцолжээ.

Мөн хүнсний бүтээгдэхүүн болон ариун цэврийн цаасны нөөц хангалттай байгаа гэдгийг мэдэгджээ. 23 сая хүн амтай Тайваньд коронавирусын цар тахал эхэлснээс хойш халдварын 1682 тохиолдол бүртгэгджээ. Мөн уг вирусын халдварын улмаас 12 хүн нас барсан байна.

Бусад орнуудтай харьцуулахад Тайваньд коронавирусын халдварын тархалт бага байсан нь тус улс цар тахлын эхэн үед хилээ хааж, гадаадын иргэдийг хилээрээ нэвтрүүлэхийг хориглож, эх орондоо эргэн ирсэн иргэдээ тусгаарлаж байсантай холбоотой аж. Өнгөрсөн ням гарагт Тайваньд коронавирусын халдварын 207 тохиолдол шинээр бүртгэгдсэн байна.

Тайванийн засгийн газраас иргэдийг амны хаалт зүүж, боломжтой бол гэрээсээ ажиллаж, сурахыг уриалжээ. Нийслэл Тайпэй нь коронавирусын халдварын голомт болоод байгаа ба хотын удирдлагууд тус хотын коронавирусын халдварын аюулын түвшинг 3-р түвшин болгон өндөрсгөжээ.

Сандарсан иргэд дэлгүүр худалдааны төвүүдийн лангууг хоосолсонтой холбоотойгоор тодорхой бараа бүтээгдэхүүнүүдээс иргэдэд нэг удаадаа зөвхөн 2 ширхгийг худалдан авахыг зөвшөөрч байгаа аж.

Эх сурвалж: https://www.bbc.com/

Орчуулсан: Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.