Мансууруулах эм, сэтгэцэд нөлөөлөх бодис хэрэглэж буй шалтгааныг хамтран судална

Twitter Print
2020 оны 05-р сар 07-нд 09:17 цагт
Мэдээний зураг,

Өнгөрсөн гурван жилийн хугацаанд мансууруулах эм, сэтгэцэд нөлөөлөх бодистой холбоотой 600 гаруй хэрэгт 1100 гаруй хүн холбогджээ.

ЦЕГ-ын Хар тамхитай тэмцэх газраас ирүүлсэн мэдээгээр нийт хэргийн 80 гаруй хувь Улаанбаатар хотод бүртгэгдсэн бөгөөд холбогдогчийн 80 орчим хувь нь 35 хүртэлх насныхан байгаа юм. Тиймээс Нийслэлийн Гэмт хэргээс урьдчилан сэргийлэх ажлыг зохицуулах зөвлөлөөс ЦЕГ-ын Хар тамхитай тэмцэх газартай хамтран ухуулга, нөлөөллийн ажлыг эхлүүллээ.

Улаанбаатар хотын иргэд, оршин суугчдын эрүүл, аюулгүй орчинд амьдруулах, болзошгүй гэмт хэрэг, зөрчлөөс урьдчилан сэргийлэх үүргийнхээ хүрээнд Нийслэлийн Гэмт хэргээс урьдчилан сэргийлэх ажлыг зохицуулах зөвлөлөөс хар тамхи, мансууруулах бодисын хор хөнөөлийг таниулах ажилд 100 сая төгрөг төсөвлөөд байна. Тус хөрөнгөөр залуус мансууруулах бодис хэрэглэгч болон түүнд донтогч болж байгаа шалтгаан нөхцөлүүдийг судлахаас гадна ухуулга нөлөөллийн ажил зохион байгуулах юм.

Эх сурвалж: Нийслэлийн ИТХ-ын ХМОНХТ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.