ОХУ Сирид ажиллагаа явуулж эхэлснээс хойш Сирийн 8289 энгийн иргэн амь үрэгджээ

Twitter Print
2019 оны 10-р сар 01-нд 11:09 цагт
Мэдээний зураг,

Лондон дахь Syrian Observatory for Human Rights байгууллагаас мэдээлж байгаагаар 2015 оны 9-р сараас хойш буюу ОХУ Сирид алан хядах бүлэглэлүүдийн эсрэг ажиллагаа явуулж эхэлснээс хойш Сирийн 8289 энгийн иргэн амиа алджээ.

Тодруулбал амиа алдсан иргэдийн дотор 18 хүртэлх насны 1997 хүүхэд, 1255 эмэгтэй, 5037 эрэгтэй байсан ба амь үрэгдсэн иргэд Оросын нисэх хүчний бөмбөгдөлтөнд өртөж нас барсан аж. Түүнчлэн Сирид явуулсан ОХУ-ын цэргийн ажиллагааны үеэр Исламын улс алан хядах бүлэглэлийн 5244 алан хядагч, өөр бусад алан хядах бүлэглэлийн 5485 алан хядагчийн амь үрэгджээ.

ОХУ Сири дэх Аль Каида, Исламын улс, Жабхат Ан Нусра зэрэг алан хядах бүлэглэлүүдийн эсрэг ажиллагаагаа 2015 оны 9-р сарын 30-аас эхэлсэн ба Оросын цэргүүд Сирийн засгийн газрын цэргүүдтэй хамтарч ажилласан юм. 2014 онд Исламын улс алан хядах бүлэглэл Сири болон Иракийн газар нутгийн томоохон хэсгийг эзлэн авч байсан бол 2017 онд тус бүлэглэл эзэлж авсан газар нутгийнхаа 90 орчим хувийг алдсан билээ.

Image result for Подсчитано число погибших после начала российской операции в Сирии

Тус алан хядах бүлэглэлийн эсрэг АНУ тэргүүтэй улс орнуудын эвсэл болон Дамаскийн хүсэлтээр ОХУ цэргийн ажиллагаа явуулж байжээ.

Эх сурвалж: Lenta.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.