Дахиад л барилгын осол

Twitter Print
2014 оны 04-р сар 24-нд 16:05 цагт
Мэдээний зураг,
Өнөөдөр баригдаж байгаа барилгатай холбоотой осол гарлаа. Өглөө “Хүннү” хорооллыг барьж байх явцад нэг ажилтан нь хамгаалалтын хэрэгсэл бүрэн ашиглаагүй улмаас унаж нас барсан билээ. Харин хэдхэн цагийн өмнө “Аморе” зочид буудлын өргөтгөлийн барилга дээрээ төмөр хүүхдийн дээрээс унаж хүнд гэмтээсэн байна. Хэргийн газар ажиллаж буй цагдаагийн ажилтны мэдэгдэж байгаагаар “Тус барилга нь аюулгүй байдлын хангаагүйн улмаас хүн гэмтээлээ” гэсэн байна. Хохирогч болох хүүхэд гарцаар буюу явган хүний явах ёстой газраар явж байсан байна. Одоо гэмтлийн эмнэлэгт хүргэгдэн тархиндаа оёдол тавиулсан гэж ээж нь хэллээ. Мөн охины авсан гэмтэл маш гүн, эмчилгээ хийлгэх шаардлагатай гэж эмч нь хэлжээ.

Урин дулаан цаг ирж барилгын ажил эхэлсэн. Гэвч хариуцлагагүй яам, агентлаг, компаниудын хайхрамжгүй үйлдлээс болж олон хүн эрүүл мэнд, эд хөрөнгө, амь насаараа хохирсоор байна. Хэдэн хүний аминд хүрсний эцэст төр анхаарлаа хандуулах нь тодорхойгүй барилгын осол дахиад хэд гарахыг хэн ч мэдэхгүй нь.

Сэтгүүлч М.Золбаатар

E-mail: zoloo_fifa@yahoo.com 
Утас: 76110303, 76110505

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.