АНУ-ын Сенатын 14 гишүүн ОХУ-аас ХБНГУ руу байгалийн хий экспортлох "Северный поток-2" хийн хоолойг барьж буй компаниудын эсрэг хориг арга хэмжээ авах тухай хуулийн төслийг Конгресст өргөн барьжээ.
АНУ-ын Төрийн департаментаас "Северный поток-2" хийн хоолойг барьж буй Nord Stream 2 AG компани нь АНУ-ын хоригт багтах боломжтой ч АНУ-ын Үндэсний аюулгүй байдлын эрх ашигт тус компанид хорих тавих нь нийцэхгүй гэж үзжээ.
Түүнчлэн Цагаан ордны Хэвлэлийн нарийн бичгийн дарга Жен Псаки "Северный поток-2" хийн хоолойн бүтээн байгуулалтыг зогсооход оройтсон хэмээн мэдэгдсэн юм. Конгресст хуулийн төсөл барьсан Бүгд Найрамдах намын гишүүд Ерөнхийлөгч Жо Байден Германы алдаатай стратегийг зөвтгөснөөрөө АНУ-ын олон улс дахь байр суурийг сул болгох эрсдлийг бий болгож, Владимир Путинд АНУ болон Европ дахь Америкийн түнш орнуудад дарамт шахалт үзүүлэх жолоог атгуулах гэж байна хэмээн онцолжээ.
"Северный поток-2" хийн хоолой нь Балтын тэнгисээр дамжин ОХУ-аас ХБНГУ руу жилдээ 55 тэрбум куб. метр байгалийн хий экспортлох юм. ОХУ-ын Екатеринбург хотноо суугаа ХБНГУ-ын ерөнхий консул Матиас Крузегийн мэдээлснээр ннэ сарын 17-ны байдлаар нийт 2460 км урттай хийн хоолойн 80 км-ийг нь тавих үлдсэн байгаа аж.
Тус хийн хоолойн бүтээн байгуулалтыг АНУ-аас гадна Украин, Польш, Литва, Латви зэрэг улс орнууд эсэргүүцэж байгаа ба эдгээр улс орнууд нь Европ руу шингэн хий нийлүүлдэг аж. 2019 оны 12-р сард Вашингтон "Северный поток-2" хийн хоолойг барьж байсан компаниудын эсрэг хориг тавьсан ч жилийэ дараа Nord Stream 2 AG компани "Фортуна", "Академик Черский" нэртэй гүйцэтгэгч компаниудын тусламжтайгаар хийн хоолойг үргэлжлүүлэн тавьж эхэлсэн юм.
Өнөөдрийн байдлаар бүтээн байгуулалт эцсийн шатандаа орсон ба "Газпром" компанийн захирлуудын зөвлөлийн дарга Виктор Зубковын мэдэгдсэнээр "Северный поток-2" хийн хоолойн төслийг энэ ондоо багтаан дуусгах аж.
Эх сурвалж: https://ria.ru/20210521/sanktsii
Орчуулсан: Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
